فيـــــفــا بــــــــلادي " مهاجر "

" يعني إيه كلمة وطن !
يعني ارض، حدود ، مكان !!
ولا حالة من الشجن "

لم يستطيع طوال طريق عودته من مبنى البلدية ان يوقف نفسه من التفكير فيما قاله الموظف عنه وما وصف به بلده واهل بلده لم يستطيع ان يعيد دقات قلبه إلى نبضها الطبيعي او ان يتنفس بهدوء
كان يشعر ان جميع الركاب يسمعون ضربات قلبه وصوت تنفسه
ويشعرون بالحرارة التي تشع من وجهة والتي تفوق حرارة الجو خارج السيارة .
الناس دي بتكرهنا ليه ، هما نسيوا احنا عمالنا معاهم إيه
ايوه ما هي العين ما بتكرهش إلا اللي اعلى منها
واحنا اعلى منهم حضارة وعلم ودين وفكر وكورة
احنا سبعة الاف سنة حضارة وبلدهم انا اكبر منها في العمر
احنا اللي علمناهم كل حاجة
احنا سبب اللي هما فيه دلوقتي .
هما ايه يعني
معاهم شوية فلوس
الله يلعن ابو الفلوس اللي حوجتنا لناس زي دي
بس انا مش هاسكت ومش هاسيب حق بلدي
واذا كان فيه ناس رخصتنا ، احنا لازم نقول لأ
احنا مش رخاص ، احنا مش رخاص
انا ما حبتش ارد عليه وسكت علشان احنا في مصلحة حكومية
بس مش هاسكت
ايوه مش هاسكت
انا ممكن اتهاون في حقي
لكن حق بلدي لأ
وبدأ تفكيره ينحصر في شيء واحد ان يرد بقوة
يجب ان يرد على هذا الموظف بطريقه تجعله يندم على ما قال
ويعرف قدر بلده ويجعله عبرة لأي حد يفكر يتكلم بالشكل ده تاني .
نزل من السيارة مسرعاً
فتح باب الشقة
واندفع كالسهم إلى غرفته دون ان يلقى السلام على الجالسين امام التلفزيون
اخرج حقيبته من اسفل السرير
واخرج منها كيس اسود كبير ووضعه داخل القميص واغلق ازرار القميص وخرج مسرعاً واغلق خلفه باب الشقة بعنف !
دخل إلى مبنى البلدية مندفعاً في اتجاه الموظف
فتح ازارار القميص واخرج الكيس الاسود منه واتجه به إلى الموظف
وفي لمح البصر كان قد وجهة محتويات الكيس إلى وجه الموظف الذي اصابه الذهول ولم يستطع التحرك من مكانه
وفي اقل من ثانية فرد محتويات الكيس على الكاونتر امام الموظف
غطى علم مصر الكاونتر بألوانه الاحمر والابيض والاسود وقد تم استبدال النسر برمز لكاس إفريقيا و ست نجمات

فيـــــفــا بــــــــلادي " مهاجر " Egyptflag

اشار بيده بهستيريه إلى رمز الكأس والنجوم الست التي تم وضعهم مكان النسر على العلم وصاح بأعلى صوت
" احنا ترتيبنا العاشر على العالم في الفيفا "
" انتوا ترتيبكم الكاااااااااااااااااااااااااام "
وبدأ يعلو صوت سيد درويش في ارجاء المكان
" قوم يا مصري مصر دايما بتناديك
خد بنصري نصري دين واجب عليك
يوم ما سعدي راح هدر قدام عنيك
عز مجدي إللي ضيعته بإيديك "

" مهاجر "

لولم اكن مصرياً ..
.لارتحت نفسياً...
.وانتعشت مادياً..
.واصبحت عالمياً..
.ولكنى مصرياً..
.فتقهقرت حضارياً...
.قوتلت انسانياً..
.فسدت خلقياً.
.فشلت تعليمياً...
.اتهزقت بوليسياً..
.اتظلمت قضائياً...
.زورت انتخابياً.
.شحت اقتصادياً......
.فاصبحت مواطن كروياً.
.هايف فكرياً.
.لا اهتم...... سياسياً... .
.وربنا يستر و ما اصبحش فى السجن مرمياً

مهاجر تاني
ايه يا عم مهاجر الحلواة دي
اسلوبك حلو ومواضيع احلا
تحياتي

» الغــــايــــب " مهاجر "
» لمن يأتي العيد ؟ " مهاجر "
» جمهورية على الله " مهاجر "
» رائـــحة الغريــــــــق " مهاجر "
» معاش السادات " مهاجر"