منتدى السوق التجاري المفتوح
اهلا وسهلا بيك في منتدى زنارة
نتشرف بيك ويسعدنا انضمامك الى اعضاء المنتدى
منتدى السوق التجاري المفتوح
اهلا وسهلا بيك في منتدى زنارة
نتشرف بيك ويسعدنا انضمامك الى اعضاء المنتدى
منتدى السوق التجاري المفتوح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى اقتصادي تجاري متنوع
 
الرئيسيةأحدث الصورالتسجيلدخولالصحف

 

 رائـــحة الغريــــــــق " مهاجر "

اذهب الى الأسفل 
+2
zahra
مهاجر
6 مشترك
كاتب الموضوعرسالة
مهاجر
مشرف منتدى القصة القصيرة
مهاجر


عدد المساهمات : 195
السٌّمعَة : 1
تاريخ التسجيل : 06/07/2009

رائـــحة الغريــــــــق            " مهاجر " Empty
مُساهمةموضوع: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالسبت 6 نوفمبر 2010 - 8:04

-صلاح ، واد يا صلاح
-هااااااااااا
-انت صاحي ولا نايم
-هو اللي ينام جنبك يتهنى على نوم
-نعم يا عم عايز ايه
-انا حاسس برعشة فـ جسمي وضربات قلبي سريعة
-انت كنت بتحلم ولا إيه
-انا مانمتش اصلاً
-ليه
-خايف
-يا حلاوتك يا بغلنا ، وياترى عامل حسابك في البمبرز ولا حتغرق لنا الفرشة
-تصدق بالله انك واد رخم ، وانا غلطان إني باتكلم معاك من اصله
-على فكره هيا امك سمتك صلاح ليه
-امال كنت عايزها تسميني إيه !
- كانت تسميك رخامة ، تباتة ، سقاعة .
-كانت لسه ما اكتشفتش موهبتي دي
هاااااااا وخايف من ايه بقى يا سبع الفلا
-خايف من البحر
-خايف من البحر مممم , بسيطة ما تبصلوش ، بص الناحية التانية
-يخرب بيت ام الرخامة اللي في الدنيا
-طيب عايزني اقولك ايه
-ما تقولش اتخمد ونام
-انام ايه بقى ما انت صحيتني وخلاص
خايف من إيه يعني
-خايف البحر يغرَق احلامنا
-ههههههه حلوة يغرق احلامنا دي
لا ما تخافش احلامنا بتعرف تعوم
-عارف احلى حاجة فيك ايه يا صلاح
-كل حاجة فيا حلوة بس احب اعرف رأيك
-احلى حاجة فيك انك صنايعي رخامة وخفة يعني من الناس اللي بتتراخم بحرفنة
-اصلك بتقول خايف احلامنا تغرق يا عم ما هي كده كده غرقانة
هو يعني لو قعدنا في البلد احلامنا كانت هاتعيش برضه كانت هاتغرق ، يا عم دا البلد كلها بتغرق.
يعني لو انت في مركب والمركب بتغرق تقعد في المركب تستنى مصيرك ولا ترمي نفسك في البحر وتحاول تعوم وتدور على شط ولا مركب تاني ينقذك .
-اكيد حارمي نفسي في البحر واحاول اعوم !
اهو احنا زي كده بالظبط
لو قعدنا في البلد هانقعد نستنى الغرق
ولو سافرنا هاننقذ نفسنا وحتى لو لاقدر الله يبقى سعينا ، مش قعدنا نستنى المركب تغرق ونغرق معاها زي اللي مستني حكم الاعدام
وبعدين انت ما كنتش عارف ده وانت خارج من البلد
-كنت عارف بس دلوقتي مش عارف ايه اللي جرالي
مش عارف انام
كل ما اغمض عيني اشوف ابويا لابس الجلابية السمرا وقاعد على الأرض عند مسجد الرحمه وانا راجع لهم في خشبة مقفولة لا يعرف يضمني ضمة ولا حتى يبص في وشي
واخواتي البنات كاشفين شعرهم وحافيين وصوتهم رايح من الصوات
احاول اقرا قرآن واستعيذ بالله من الشيطان الرجيم
برده تفضل الصور دي قدام عنيا !
وكل ما ابص للبحر في الضلمة دي احس انه وحش متربص لينا و صوت الموج ده صوت وحش جعان شاف وليمة كبيرة جايه في الطريق ، ومش اي وليمة دا عشرين شاب في عز شبابهم
-لا يا عم انا مش معاكم ، على فكره البحر هيسبني انا
-ليه يعني بأمارة إيه دا هايبدأ بيك اول واحد علشان رخامتك دي .
تعرف حتى ريحة البحر اللي بتهب كل شوية دي بتفكرني بريحة محمود زميلنا يوم ما غرق واحنا بنصيف في اسكندرية ، كل ما الريحة دي تهب
افتكر منظر محمود لما الناس طلعوه من البحر غرقان ، نفس الريحة .
-لا إله إلا الله ، دا احنا لسه على البر هاتخوفني معاك ليه بس ، وتحضر لنا الميتين
بعد ما قطعنا المشوار ده كله ومن اتوبيس لمكروباص لعربية نص نقل وبعد مشوار المشي اللي مشيناه على الشط والرمل ده جاي تقول الكلام ده.
وحد الله يا محمد ويلا ننام ، يمكن دي علشان اول مره نتغرب ونبعد عن بلدنا واهلنا واخواتنا
ولا يمكن لسه متأثر بحادثة غرق محمود يمكن ده هو اللي مخليك في الحالة دي .
أفكار الليل بتبقى دايماً مرعبة كده ، ان شاء الله بكره الصبح هتبقى كويس
وبعدين ما كل البلد عندنا سافرت بنفس الطريقة وما سمعناش عن حاجة حصلت ،
دا حتى الناس اللي سافرت من مالطا كانو بيعدوا في لانش صغير بيطير على وش المية والمية كانت بتدخلهم في اللانش ومع ذلك الحمد لله ما حصلش اي حاجة وعدوا بسلام
جت علينا احنا بقى ، وبعدين احنا حنركب مركب كبير خشب ونضيف ،
-مين اللي قالك كده .
-ياسر ، وكمان انا سألت ابومنصور الليبي قاللي نفس الكلام
على فكره ياسر قال لنا احتمال كبير بكره نركب المركب لو الجو اتعدل شوية
علشان كده لازم ننام كويس
يمكن ما نعرفش ننام تاني لحد ما نوصل ايطاليا
-ما احنا بقالنا اسبوع على الحالة دي عيشين في عِشة الفراخ دي وكل يوم يقولوا بكره بكره
-شايف البحر هايج ازاي ،انت عايزهم يعني يرمونوا في البحر في الجو ده
-والله ارحم من الانتظار.
-معلش يا نجم كله يهون علشان ايطاليا ، ايطاليا هيييييييييييييييه
-ايطاليا جميلة الجميلات ،
-في ليله اقل بهاءاً من ليلتنا هذه ستجيئ إلي خيمتي في ميلانو راكعا ً زاحفا طائراً وتقول بصوت عالي " Viva la Euro " " Viva la Bella" يعيش اليورو ، تعيش المزز .
-ههههههه ماشي يا عم طليمات ، تصدق انت شكله!! بس يا خوفي لاحلامك دي كلها تختفي مع مشهد النهاية و انت مترحل في قفص زيه !
-اول ما توصل إيطاليا يا ابني وتشم عطر اليورو كل العقد والمشاكل النفسية اللي عندك دي حاتختفي الى الابد !
-وقلبك اللي بينتفض من الخوف ده هيرقص على عزف اليورو المنفرد !!
فجأة يعلو صوت وسط اصوات الشخير ! تختلط فيه الحروف بصوت الشخير " ما تنخمد بقى يا واد انت وهو عايزين ننام نامت عليكوا حيطة " .
-مين الجحش ده
-دا ابراهيم ابوالغشم ( بصوت منخفض )
-طب اقطم بقى ( هششششش)
-لا مؤاخده يا هيما اصلي كنت باحلم
-طب ابقى غطي ............ علشان ما تحلمش بصوت عالي وتصحينا من النوم
-حاضر يا هيما انت تؤمر ( تصبح على خير ، Bona Notto)
-انت بتقول ايه ياللا
-تصبح على خير بالإيطالي ، احفظها يمكن تنفعك
-الله يرحم ابوك
-ابويا وابوك ان شاء الله
-نعم يا روح اهلك
-ايه بس يا ابراهيم دانا بدعي لابوك
-طب اتلم في ليلتك دي واتخمد
-حاضر يا هيما
-(يهمس صلاح لمحمد ) نام بقى يا عم محمد احسن ابو الغشم يقوم يفرط لنا أسنانا ويبقى اول حاجة نعملها في ايطاليا نروح نركب طقم عند دكتور سنان
-ههههههه
-هاااااااااااااا لسه سامع صوت
-خخخخخخخخخخخ
*****************
-يا رايس
باقي كام ساعة على ما نوصل
-ثلاث ساعات
-ياااااااااااااه لسه
-دا انا حاسس ان احنا راكبين المركب بقالنا اسبوع
-محمد
-نعم
-ساكت ليه انت كويس
-الحمد لله
-اخبار الرعشة والخوف ايه
-لا خلاص ما عدتش حاسس بأي حاجة
-يعني واحنا على الشط كنت خايف واحنا في وسط البحر قلبك جمد
-سبحان الله مش عارف ليه .
-مش قولتلك الليل بيستمتع بتخويفنا بافكارة دي
-يمكن .
-امال ساكت ليه كده
-مش عارف ، حاسس اني مش عايز اتكلم
اقولك حاجة بس ما تضحكش ولا تتراخم
-ما اقدرش اوعدك بس قول
-انا حاسس ان محمود معانا على المركب
-محمود مين
-محمود حمدي ، حاسس بيه وشامم ريحته .
-يا عم محمود غرق في اسكندرية إيه اللي هايجيبه هنا ، هيقطع المسافة دي كلها ازاي وبعدين محمود ما كنش عمل جواز سفر يبقى هييجي ليبيا ازاي !!!!!! انت اهبل يا محمد
-والله باتكلم جد كل ما ابص في وش حد في الضلمة دي الاقيه محمود
-طيب غير الموضوع وخلينا في المركب اللي عماله ترقص دي ، دا انت حزين انا عارف ايه اللي خلاني اسافر معاك
ولا اقولك اسكت خالص ، خلينا نقرا قرآن في سرناً لغاية ما نوصل
**************************
-الووووووووو
-ازيك يآبا
-الحمد لله
-مفيش اخبار عن اخوك يا علي
-لا والله يآبا
-انا يا ابني حاسس انهم مسجونين عندك في إيطاليا
ما تروح يا ابني تسأل عليهم في السجون اللي عندك
-والله ياآآآابا ما خلينا مكان ما سألناش فيه هنا وفي ليبيا
إن شاء الله هيرجعوا
-ربنا يفك اسرهم ويرجعهم سالمين
-آمين يا رب
-انا نفسي اطمن على اخوك قبل ما اموت
نفسي بس اعرف هو عايش ولا ميت
لو عايش اعرف بس مكانه فين
ولا ميت يقولوا لنا علشان ما نفضلش عايشين على امل رجوعهم ، انا تعبت من الجري يا ابني، خمس سنين واحنا على الحال ده ، كل اسبوع نسمع كلام ونطلع نجري ورا الكلام ده ، مرة على مصر ومرة اسكندرية ومرة السلوم ومرة ليبيا وما فيش مره رجعنا بعقاد نافع .
ربنا يلطف بينا .
-يآبا ريح نفسك وما تمشيش ورا الكلام ده ، بلدنا ما بتبطلش كلام
-اعمل ايه بس يا علي انا بابقى سامع الكلام ومتأكد انه اشاعات بس برضه بروح ادور يمكن يصدق الكلام ده مرة ، ما بقدرش امنع نفسي
-ياابني انا قلبي حاسس ان اخوك عايش وفي يوم هلاقيه زاقق عليا الباب وداخل زي عادته
-اخوك كان كده دايما لما كنت ازعله كان يروح ينام عند اصحابه كام يوم .
والضحى كده الاقيه زاقق الباب وداخل وجايب معاه قرطاس طعمية ، اقوله ايه اللي جابك ، يقولي اصلك وحشتني ويحب على راسي وايدي ويقولي ما تزعلش مني يآبا ، ما تزعلش مني يآبا ، ما تزعلش مني يآبا ( ويبدأ صوت الاب في الحشرجة )
وانا عمري ما زعلت منه عمري ما زعلت منه ، اخوك كان حنين قوي يا علي ( صوت انين الاب) كان احن واحد على شيبتي !
ويقوللي قوم يلا كُل معايا يا ابو علي ان جايبلك طعمية سخنة ، كنت ببقى فرحان برجوعة بس اخبي واقوله انت جاي تضحك عليا بقرطاس طعمية يا ابن الكلب ( ويعلو نحيب الاب )
كان يضحك ويقولي خلاص بقى يا ابوعلي وحد الله يا عم وقوم كل بقى قبل ما الطعمية تبرد (يا حبيبي يا محمد )
-وحد الله يآبا ، ربنا هيرجعه بالسلامة بس انت ما تزعلش نفسك
-وبلاش تعيط والنبي يآبا " ويعلو صوت بكاء الابن"
-لا يا ابني انا ما بعيطش ، اعيط ليه اخوك بخير ، دي بس دمعة رحمة ربنا بينزلها من عيني علشان تطفي اللي في قلبي .
-إن شاء الله هيرجع دا انا خت الجلابية بتاعته وروحت لعمك عبدالله الخياط وفصلت له جلابية بلدي جديدة علشان العيد ، علشان لو جه قبل العيد يلاقي جلابية جديدة يلبسها في العيد .
" مهاجر "


عدل سابقا من قبل مهاجر في الخميس 16 ديسمبر 2010 - 8:35 عدل 1 مرات
الرجوع الى أعلى الصفحة اذهب الى الأسفل
zahra
عضو ذهبي
عضو ذهبي



عدد المساهمات : 761
السٌّمعَة : 3
تاريخ التسجيل : 24/05/2010

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالسبت 6 نوفمبر 2010 - 21:08

جزاك الله خيرا لي طلب أنا مغترب منذ فتره ولا أعلم أسماء هؤلاء الأبطال أرجو من أى عضو في هذا المنتدي الكريم أن يسجل في صفحه من نور أسماء هؤلاء الأبطال لعلهم يحتاجون إلي أبسط مايحتاجه المسلم من أخيه ألا وهو الدعاء . وأخيراً أشكرك أسلوبك رائع .
الرجوع الى أعلى الصفحة اذهب الى الأسفل
مهاجر
مشرف منتدى القصة القصيرة
مهاجر


عدد المساهمات : 195
السٌّمعَة : 1
تاريخ التسجيل : 06/07/2009

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالأحد 7 نوفمبر 2010 - 8:43

شكراً لك أخ Zahra
اما بخصوص الاسماء فأنا مثلك مغترب ولا اعرف الكثير عنهم
الرجوع الى أعلى الصفحة اذهب الى الأسفل
حازم شلبى
عضو فضي
عضو فضي
حازم شلبى


عدد المساهمات : 37
السٌّمعَة : 3
تاريخ التسجيل : 07/07/2009
العمر : 55

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالأحد 7 نوفمبر 2010 - 18:36

ياااااااااااااااااه

وجعتنا يا عم مهاجر

عارف ... عجبنى جدا فكرة اننا لو فضلنا فى مصر فكأننا زى اللى بيستنى الغرق مع المركب لكن المشكلة يا صديقى اننا لما سبنا المركب و نطينا منه شدنا الحنين من تانى ليه و اتمنينا لو اننا فضلنا... يا كنا حاولنا نصلحه و نمنعه من الغرق يا كنا غرقنا معاه

أسلوبك السهل الممتنع أمتعنى كثيراً فشكرا لك ... شكر يحمل معه رائحة الغريق الذى نرى صورته كلما تلفتنا حولنا نبحث عن وطن سقط من ذاكرتنا و تغيرت ملامحه .

شكرا ياصديقى وربما كانت كلماتك تلك أجمل ما كتب عن هذه المأساة ... فلندعو جميعاً لهؤلاء الشهداء بالرحمة وياريت زى ما الاخ زهرة اقترح نحاول نحط اسمائهم فى لوحة شرف بالمنتدى و اعتقد ان دى مهمة الاخ مصطفى .. حتكون لمسة وفاء جميلة لأخوة لنا قد لا نعرفهم لكن من المؤكد انهم يستحقون منا على الاقل ان نتذكرهم بالدعاء .
الرجوع الى أعلى الصفحة اذهب الى الأسفل
http://haneeni.blogspot.com
مهاجر
مشرف منتدى القصة القصيرة
مهاجر


عدد المساهمات : 195
السٌّمعَة : 1
تاريخ التسجيل : 06/07/2009

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالإثنين 8 نوفمبر 2010 - 11:30

شكراً استاذ حازم على تعليقك الرائع
ما تعرفش انا ببقى ازاي سعيد بتعليقك
وبرؤيتك الجميلة لكتاباتي المتواضعة
الرجوع الى أعلى الصفحة اذهب الى الأسفل
محمد مصطفى
عضو فضي
عضو فضي
محمد مصطفى


عدد المساهمات : 34
السٌّمعَة : 0
تاريخ التسجيل : 22/01/2010

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالجمعة 12 نوفمبر 2010 - 23:05

جميله جميله جدا جدا
يمكن عشان واقعيه
فهى مؤثره جدا
اويمكن عشان اسلوبك الجميل
اتمنى لك مزيد من الابداع
I love you I love you I love you
الرجوع الى أعلى الصفحة اذهب الى الأسفل
zahra
عضو ذهبي
عضو ذهبي



عدد المساهمات : 761
السٌّمعَة : 3
تاريخ التسجيل : 24/05/2010

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالإثنين 15 نوفمبر 2010 - 21:48

اعوام ومازال اهالى قرية زنارة مركز تلا بالمنوفية يبحثون عن ابنائهم الذين ضاعوا بين ليبيا وايطاليا .. مازال لديهم الامل فى العثور عليهم او معرفة مصيرهم خاصة ان كل الشواهد تؤكد عدم خروجهم من ليبيا بهدف التسلل الى ايطاليا ، لا احد يعرف مصيرهم منذ ان وصلوا ليبيا . احمد نصار والد معتز يقول : ابنى كان كتلة من الاحلام ينتظر اليوم الذى يصل فيه الى اوروبا لكنه اختفى فجاة مع بعض الشباب ، وزارة الخارجية ابلغتنا انه تم العثور على جواز سفره وجثته فى ليبيا وتمت اعادته الى مصر لكننا لم نتسلمهم حتى الان ، عبد المنصف حمد والد محمد يقول : لم اترك بابا الا وطرقته من اجل البحث عن ابنى لدرجة اننى سافرت الى ليبيا لكنى لم اجد اجابة عند احد ... اين ابنى ؟ كما ذهبت الى وزارة الخارجية وترحيلات قسم الخليفة للسؤال عنه لكننى لم اجده .
الرجوع الى أعلى الصفحة اذهب الى الأسفل
zahra
عضو ذهبي
عضو ذهبي



عدد المساهمات : 761
السٌّمعَة : 3
تاريخ التسجيل : 24/05/2010

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالإثنين 15 نوفمبر 2010 - 22:12

لكل هؤلاء الضحايا الغرقى والمفقودين الذى دفعهم اليأس والإحباط الى اختيار الموت بديلاً عن العيش معنا ...فعذراً....سامحونا !!(من تقرير الارض)
" لست خطر ، نعم اهاجر بشكل غير قانونى لان الظروف والأوضاع هنا صعبة ومستحيل ايجاد حلول ... احاول ان اعيش ولكنى افشل دائما ... وبالرغم من اعتقالى وتعرضى للموت لكنى لن اتوانى عن تكرار المحاولة لتحقيق حلمى بالعيش فى اوروبا ، ان الموت غرقا بالبحر افضل من الحياة مقهور فى هذا الوطن !! "من تقرير الارض"
يعد تقرير الارض الصادر اليوم تحت رقم (67) من سلسلة الحقوق الاقتصادية والاجتماعية التى يصدرها مركز الارض تحت عنوان " الموت هو الامل الوحيد للحياة " ويهدف التقرير للتعرف على حجم وأسباب ظاهرة الهجرة غير القانونية من وجهة نظر المهاجرين غير القانونين طبقاً لما نشرته بعض الجرائد المصرية خلال عام 2008 وقد بلغت حوادث الهجرة غير القانونية (76) حادثة اسفرت عن غرق (503) مواطن وفقد (527) آخرين ويبين التقرير ان (2941) مواطن تعرضوا للنصب من قبل عصابات تسفير الشباب ، كما تنوعت المحافظات التى يهاجر شبابها وقد بلغت عدد الحوادث التى كان بعض شبابها من محافظتى الدقهلية والغربية (12) حادثة ، المنوفية وأسيوط (Cool حوادث ، الفيوم (7) حوادث ، الشرقية (6) حوادث ، المنيا (5) حوادث ، سوهاج والقليوبية والإسكندرية (4) حوادث ، البحيرة وكفر الشيخ (3) حوادث ، الاسماعيلية وبنى سويف حادثتين ، دمياط وبورسعيد والقاهرة وقنا حادثة واحدة ، بينما بلغت عدد الحوادث من محافظات مختلفة (5) حوادث .
وكانت اهم البلاد التى يتوجه اليها المهاجرين هى ايطاليا حيث تكرر رغبة الشباب المقبوض عليهم فى حوادث الهجرة فى التوجه الي ايطاليا (39) مرة ، اليونان (16) مرة ، ليبيا (11) مرة ، تركيا مرتين ، وكل من هولندا ورومانيا والنرويج ومالطا والأمارات مرة واحدة .
وتركزت المحطات التى يهاجر منها المواطنين الى موانى مصرية وليبية وقد احتلت الموانى الليبية (17) مرة ، الاسكندرية (Cool مرات ، السلوم (6) مرات ، وكل من مطروح ومركز البرلس ورشيد ودمياط مرتين ، وكل من ادكو وبلطيم مرة واحدة .
ويبين التقرير ان هناك مهاجرين اخرين خلاف المصريين من بعض دول افريقية وشرق ووسط اسيا تعرضوا لعمليات النصب وغرق بعضهم وقد بلغت رحلات الهجرة غير القانونية التى كان فيها اجانب (9) رحلات .
وبلغ عدد الاشخاص من جنسيات اخرى بخلاف المصريين (100) مهاجر من بين اكثر من الفين مهاجر ، هذا بخلاف (3) من نيجيريا ، (32) من جنسيات اسيوية وافريقية ، (25) من الهند ، (12) من البنجلاديش ، (26) من نيجيريا ومالى .
ويبين التقرير دور وزارة القوى العاملة واتحاد عمال مصر الغائب فى حماية المهاجرين والعاملين بالخارج او معالجة مشاكل العمال المهاجرين ويدلل التقرير على اهمال وزارة الخارجية عبر سفارتها فى حماية حقوق العاملين المصريين بالخارج والدور المتعسف لأجهزة الامن فى القبض على المهاجرين ودور رجال الاعمال الغائب فى حل مشكلات المجتمع .
وناقش التقرير مبادرة بعض رجال الاعمال التى اطلقها عبر الصحف لحل مشاكل المهاجرين غير القانونين ليؤكد التقرير بان تلك المبادرة لم تمنع ازدياد الظاهرة خلال عام 2009 .
ويؤكد التقرير على غياب البرامج أو الرؤية لدى المجالس المتخصصة او الحزب الحاكم وطالب التقرير اعضاء مجلس الشعب بضرورة الرقابة على اعمال الحكومة والمشاركة بطرح مشروع قانون لمعالجة مشاكل الشباب ووقف محاولات هروبهم باعتبارهم جزء من ثروتنا البشرية !!.
وينتقد التقرير توجه الحكومة لاكتفاءها بالتعامل الامنى مع الظاهرة دون معالجة مشاكل المجتمعات المحلية وتحسين اوضاع حقوق الانسان .
كما ينتقد التقرير دور الاتحاد الاوروبى السلبى ويتضح ذلك بعد اعتماده فى18 يونيو 2008 توصية جديدة حول المعايير والإجراءات المشتركة لإعادة الاجانب من الاتحاد الاوروبى الذين لا يملكون اوراق رسمية بالإقامة وتجيز تلك التوصية اعتقال المهاجرين غير القانونين مدة تصل لـ 18 شهر - وبدلا من ان تكفل حكومات الاتحاد الاوروبى حماية حقوق المهاجرين والالتزام بتطبيق مواثيق العمل الدولية ... تطالب توصياتها الجديدة باعتقالهم فى تحدى لنصوص اتفاقية حقوق المهاجرين !! والجدير بالذكر ايضا ان معظم دول الاتحاد الاوروبى لم تصدق على الاتفاقية الدولية لحماية جميع العمال المهاجرين وأفراد عائلاتهم والتى تكفل حقوقهم الانسانية بما فيها الطعن على قرارات اعتقالهم امام القاضى الطبيعى ... وبدلا من احترامها والتزامها بتطبيق نصوص الاتفاقية تصدر توصية باعتقالهم ، وكانها لا يكفيها انتهاك حقوقهم الانسانية فتتراجع عن الالتزام بالنصوص القانونية لحمايتهم والتى اقرتها نضالات العمال وممثليهم عبر التاريخ الطويل لمكافحة الاستغلال والقهر .
ويتناول التقرير اسباب تزايد الهجرة غير القانونية فى مصر والذى يؤكد على ارتباطها بتدهور اوضاع حقوق الانسان وتقليص اسواق العمل فى بلدان الخليج وتزايد الآثار السلبية لتطبيق سياسات التحرر الاقتصادى خاصة فى الريف وتزايد احتياجات اسواق العمل الاوروبية لمزيد من العمالة غير الرسمية المحرومة من حقوقها التأمينية والاجتماعية والصحية والعمالية ، اضف الى ذلك انتشار الجرائم الالكترونية بعد ثورة الاتصالات وسهولة عمل شبكات التسفير ، بالاضافة الى تأثير علاقات القربى والجوار فى تنامى الظاهرة خاصة فى الاماكن الريفية ، وعجز الحكومة المصرية خلال الـ 30 عاما الماضية عن توفير فرص العمل اللائقة بل تعديها على حقوق العمال وإخلالها بالتوازن الاجتماعى وانتهاكها للحقوق المدنية وإهدارها اقل الضمانات للعيش الامن الكريم .
وقد ساهمت تلك السياسيات فى ارتفاع مستويات الفقر بين المصريين فاكثر من 40% يقل دخلهم عن 2 دولار فى اليوم ، وازدادت نسب البطالة لأكثر من 11% بين مجموع العاملين وازداد الفساد بالجهات الحكومية وأهدر مبدأ تكافؤ الفرص بين المواطنين ، مما اصاب الشباب وصغار المنتجين باليأس والإحباط وادى ذلك لتزايد غنى الشرائح الاجتماعية القريبة من السلطة .
ويؤكد التقرير ان حوالى 20% من المصريين يحصلون على حوالى 50% من الدخل القومى.
كما يبين مخاطر الهجرة غير القانونية بالنسبة للمهاجر وأسرته وقريته ووطنه حيث يعانى المهاجر من التهميش ويحرم من حقوقه بمجتمعه الجديد إذا نجحت محاولة الهجرة غير القانونية ، ويعامل كونه مجرم غير مرغوب فيه فى المجتمع البديل فهو محاصر ومهدد من كل الاطراف صاحب المنزل والعمل والبوليس والجيران ، ويتحول المهاجر لكبش فداء لأمراض اجتماعية وفشل سياسات الحكومات ولا يملك المهاجرين ايه حقوق على الاطلاق فى بلد المهجر وبالتالى يتعرضون للاستغلال من جانب اصحاب العمل والمهربين والسلطات المختلفة ويعيشون فى حالة خوف دائم .
ويحكى المهاجرين غير القانونين الذين تقابلنا معهم قصص مرعبة عن الانتهاكات التى يتعرضون لها قد تحرمهم فى النهاية من "الهوية" . كما ان المهاجرين غير القانونين الذين ينجحون فى الوصول لأوروبا يعيشون معزولين فى مناطق اشبه بالسجون ، ولانهم يعيشون بدون تصريح او وثائق فان القوانين الرسمية لا تعترف بهم وبالتالى يخرجون عن نطاق الحماية لحقوقهم الانسانية ويقعون فريسة سهلة للابتزاز والاستغلال خاصة من شبكات التهريب والدعارة ، كما يتعرض معظمهم للاعتقال والاحتجاز فى اماكن غير ادمية ويتعرض النساء والأطفال منهم لأبشع انواع الاستغلال حيث يتم الاتجار فيهم . ويبين التقرير كيفية انتهاك حقوق المهاجرين القانونين وغير القانونين وتعرضهم للاعتقال والاستغلال والحرمان من المحاكمة العادلة ويتم مصادرة وثائقهم وحرمانهم من الحصول على حق متكافئ مع مواطنى البلد او المهاجر الشرعى فى الرعاية التعليمية والصحية والسكن اللائق والعمل الامن واللائق وتنتهك حقوقهم المدنية فى الاعتقاد والرأى وتشكيل النقابات والجمعيات ، ومع كل ذلك فان المهاجر غير القانونى يعتبر ان حلم الهجرة حتى ولو بشكل غير قانونى هو الامل الوحيد للحياة .
هذا وبالرغم من ان الذين يفشلوا فى الهجرة يتعرضون للاعتقال والإهانة والتعذيب من قبل السلطات المحلية ويحكى الكثير من المعتقلين " انهم تعرضوا للتجريد من ملابسهم وإهانتهم وتعذيبهم من قبل الضباط والمخبرين " بالاضافة الى ضياع اموالهم بعد ان استولى عليها سماسرة الهجرة وتعرضهم للحبس بسبب اقترضهم الديون التى دفعوها للسمسار بالاضافة الى ان معظم امكانيات وطاقات المهاجرين من الشباب يفقدها الوطن كجزء من ثروته البشرية ويفقد المهاجر غير القانونى فى النهاية عمره نتيجة محاولته الهروب من الوطن .
ثم يستعرض التقرير نتائج الهجرة غير القانونية بالنسبة للمهاجر حيث يتم القبض عليه واعتقاله وفقدان هويته وملاحقة السلطات ولكنه يحصل على فرصة عمل امنه وحياة كريمة اذا نجح فى الوصول لأوروبا . ويتساءل التقرير لماذا يضطر المهاجر للمغامرة والتضحية بحياته ؟ هل انعدمت فى بلادنا فرص العمل الامنه ؟
وهل يحتاج تحقيق الاحلام المشروعة لاى مصرى ان يدفع حياته ثمناً ؟ الا يستحق من وجه نظر السلطات ان يحصل المهاجر على دخل كريم هنا فى وطنه ؟ .
ولماذا تضطره السلطات بسياساتها الفاشلة للتضحية بحياته ؟ اسئلة كثيرة يرفعها التقرير لمتخذى القرار فى بلادنا علها تجد اجابة لديهم !! ويحكى المهاجرين انهم اضطروا لذلك بسبب اوضاع العمل السيئة فلا اجر كافى ولا عمل لائق ولا نقابات تدافع عن حقوقهم او تمثلهم فى مفاوضات مع اصحاب الاعمال او الجهات الحكومية .. بل كان يتم استغلالهم ويحرمون من حقوقهم.
ويحكى اخرون "حاولنا فتح مشروع صغير لكننا فوجئنا بموظفى بعض الجهات يقومون بتحرير مخالفات لإجبارنا على دفع الاتاوات" ، وعانى آخرون من التمييز ضدهم بسبب اهتمام ودعم تلك الاجهزة والسياسيات الحكومية لمصالح رجال الاعمال وأصحاب النفوذ فى نفس الوقت الذى اهملوا دعم ومساندة مشروعات الشباب الصغيرة مما ادى لتشريدهم والإخلال بقواعد المساواة والعدالة . وأكد الجميع ان هذه السياسات ادت لأصابتهم باليأس والإحباط حيث انهم تحملوا فوق ما يتحمله بشر" .
يقول احد المهاجرين "كان قرار الهروب من الوطن هو القرار الوحيد الباقى لى للاستمرار فى الحياة حتى لو ادى هذا القرار للموت - فما هو الفرق بين موت بطئ هنا وموت سريع فى البحر؟".
ويحكى اخر "ان ما يدفعنا الى التضحية بعمرنا بعد كل هذا اليأس ان قرار الموت هو الخيار الوحيد المتبقى للمرور الى الحياة الكريمة ... خاصة ان هذا الخيار اذا كتب لى النجاة سوف يؤدى لعبورى لشاطئ تحقيق الاحلام وهو " النجاح " .
وحكى مهاجر اخر ان حلمه بالهروب أتى بعد كل ما عاناه وحصوله على شهادة جامعية وعمله فى اكثر من عشر اماكن وفشله فى الاستمرار فى اياً منهم ويقول "كان حلمى الوحيد وقتها ان ابعد عن القرية باى طريقة حتى ولو كذبت عليهم باننى سأسافر لأوروبا عسى ان تكلل رحلتى المليئة بالمخاطر ... بشئ اسمه "النجاح" ... كان هذا حلمى ... لم اكن ارى غيره ... وكنت على استعداد لدفع حياتى ثمناً لتحقيق هذا "النجاح ".
والمركز يتساءل عن المضمون المتوحش لتلك السياسيات التى تدفع الشباب الذى يملك هذا التصميم الرائع على "النجاح" الى اليأس والإحباط ؟ الا تستحق حياة هؤلاء الشباب تغير سياسيات الحكومة .. بسياسيات بديلة تستجيب لطموحات وأحلام المواطنين فى الدخل اللائق والعيش الامن الكريم ... سياسيات تلتزم بالقيام بدورها فى ضمان التوزيع العادل لثروات البلاد وتوفير فرص العمل اللائقة والأمان والحرية لكل المواطنين .
سؤال يطرحه التقرير لمتخذى القرار فى مصر عله يجد من يسمعه ويجيب عليه !!!
ثم يختتم التقرير بعدد من الملاحظات والتوصيات :
ليؤكد على ان المهاجرون جزء من الحل وليسو المشكلة ولا يجوز ان يتحولوا الى كبش فداء لمجموعة واسعة من الامراض الاجتماعية ويؤكد التقرير ان الهجرة وانتقال الناس من موطن لأخر بهدف العمل او غير ذلك هى حق متاح لكل البشر ولا يجوز تقيدها لأسباب سياسية او اقتصادية او اجتماعية وبالتالى يجب وقف الانتهاكات التى يتعرض لها المهاجرين ومعالجة المشكلات التى ادت لتفاقم ظاهرة الهجرة غير القانونية ومعالجة انعدام الامان والتنمية والمساواة ووقف الاستغلال والإيذاء التى يتعرض لها المهاجرون غير القانونين وتوفير الحماية لهم ،ويجب مطالبة الحكومات بالتصديق على اتفاقية العمال المهاجرين ومطالبة الحكومات التى صدقت على الاتفاقية بتنفيذ ما جاء بها لكفالة حقوقهم والجدير بالذكر ان الاتفاقية اصدرتها الامم المتحدة عام 1990 ولم يتم ايداع المصادقات العشرين الضروريين لدخولها حيز التنفيذ الا عام 2003 .
وللأسف فان كل الدول الاوروبية لم تصدق على الاتفاقية كما لم تصدق عليها كلا من امريكيا واستراليا وكندا بالرغم من ان معظم هذه الدول هى بلدان مهجر ، ويجب محاسبة الحكومات على اهمالها فى القيام بدورها بكفالة الحقوق الانسانية لشعوبها وتساهلها فى استمرار انتهاكات حقوق المهاجرين من قبل السماسرة .
كما يجب اتخاذ الاجراءات اللازمة من قبل الحكومات لتفعيل وتعزيز اتفاقيات منظمة العمل الدولية الثمانى والمتعلقة بحقوق المهاجرين والتى وقعت عليهم معظم الدول خاصة اتفاقية الهجرة من اجل العمل رقم 97 لـ 1949 واتفاقية العمال المهاجرين رقم 143 لـ 1975 والتى تقضيان ضرورة قيام الدول بمعاملة المهاجرين المتواجدين على اراضيهم على قدم المساواة مع مواطنيها لكفالة حقوقهم الانسانية التى اكدتها قوانين البلد واستخدام الآليات الدولية لمحاسبة الحكومات للقيام بادورها فى التنمية وتحسين اوضاع حقوق الانسان ووقف انتهاكات حقوق المهاجرين .
وفى مصر فان الحكومة التى وقعت على اتفاقية حقوق المهاجرين ولم تطرح برامج وزاراتها المختلفة خاصة الخارجية والقوى العاملة او اتحاد عمال مصر ايه حلول واقعية لحل مشاكل المهاجرين وبالتالى فان اهمال الحكومة فى القيام بالتزامها لمعالجة تزايد اسباب الظاهرة وتحسين اوضاع المهاجرين يعتبر انتهاكا لنصوص الاتفاقية .
ويجب مراجعة القوانين التى تنتهك حقوق المهاجرين واصدار قانون جديد متكامل يحمى حقوقهم فى الامان والحرية والمساواة .
ويجب الافراج عن المعتقلين منهم ووقف استغلالهم والنصب عليهم من سماسرة الهجرة ويجب توعية المجتمع لوقف التضليل الاعلامى حول ادوار المهاجر "الضحايا" حيث ان بعض الاعلاميين يصفون المهاجرين غير القانونين بالمجرمين والمتسولين والارهابين والسلبين بالرغم من كونهم ضحايا استبداد وفساد وإهمال سياسيات الحكومة .
وفى النهاية يطالب المركز المنظمات غير الحكومية بالتنسيق والتعاون لتقديم تقارير لهيئات الامم المتحدة عن اوضاع المهاجرين خاصة ان الحكومة المصرية قدمت تقريرا للامم المتحدة فى مايو 2006 ولكن للاسف لم يطرح حلول لمشاكل العمال المهاجرين او معالجات لتحسين اوضاعهم مما يستلزم تقديم تقرير للجنة العمال المهاجرين بالأمم المتحدة موازياً لتقرير الحكومة لوقف الانتهاكات التى يتعرض لها المهاجرون
وفى الختام يطالب المركز الجهات الحكومية ذات الصلة وأعضاء المجالس الشعبية والمحلية ومؤسسات المجتمع المدنى بضرورة تبنى مبادرة جديدة تبنى على منظور حقوقى وتنموى عادل وانسانى بديلا عن المنظور الامنى المطبق حاليا لوقف تزايد ظاهرة الهجرة غير القانونية ولحماية حقوق المهاجرين فى الحياة الكريمة والأمان والحرية ولضمان مجتمع اكثر عدلا وإنسانية لجميع البشر .
يمكنكم الحصول على نسخة من التقرير من مقر المركز او موقعنا على الانترنت
الرجوع الى أعلى الصفحة اذهب الى الأسفل
زناري
عضو ذهبي
عضو ذهبي



عدد المساهمات : 114
السٌّمعَة : 0
تاريخ التسجيل : 10/07/2010

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالخميس 18 نوفمبر 2010 - 8:16

إيه الحلاوة دي يا مهاجر
اسلوبك فعلا جميل
انا اول مرة اقرالك وعجبني جداً اسلوبك
الرجوع الى أعلى الصفحة اذهب الى الأسفل
مهاجر
مشرف منتدى القصة القصيرة
مهاجر


عدد المساهمات : 195
السٌّمعَة : 1
تاريخ التسجيل : 06/07/2009

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالسبت 20 نوفمبر 2010 - 14:50

الله يخليك يا زناري شكراً على كلامك الجميل ده
الرجوع الى أعلى الصفحة اذهب الى الأسفل
mallk
عضو ذهبي
عضو ذهبي
mallk


عدد المساهمات : 62
السٌّمعَة : 0
تاريخ التسجيل : 12/11/2009

رائـــحة الغريــــــــق            " مهاجر " Empty
مُساهمةموضوع: رد ريحه الغريق   رائـــحة الغريــــــــق            " مهاجر " I_icon_minitimeالخميس 25 نوفمبر 2010 - 12:23

[right][u]قصه روعه يا مهاجر وعجبنى اسلوبك واختيارك للالفاظ البسيطه وادخال روح الفكاهه لقصه حزينه زى دى......بس للاسف فى الحقيقه الاب مات قبل ما ابنه يلبس جلابيه العيد....والام عايشه على امل اللقاء ربنا يتولاهم برحمته
الرجوع الى أعلى الصفحة اذهب الى الأسفل
zahra
عضو ذهبي
عضو ذهبي



عدد المساهمات : 761
السٌّمعَة : 3
تاريخ التسجيل : 24/05/2010

رائـــحة الغريــــــــق            " مهاجر " Empty
مُساهمةموضوع: رد: رائـــحة الغريــــــــق " مهاجر "   رائـــحة الغريــــــــق            " مهاجر " I_icon_minitimeالسبت 4 ديسمبر 2010 - 9:11

انا متزوجة من حوالى 9 سنوات زوجى سافر بعد زواجنا ب6اشهر هو ومجموعة من القرية حوالى 24 شخص ولم نعرف عنهم اى شىء حتى الان زهبنا الى الخارجية وجميع الجهات عندها علم بالموضوع ولا احد يرد احنا عايزين نعرف هما موجدين ولا لا ياريت حد يرد علينا لو سمحتوا ردوا علينا احنا تعبنا اهلهم فية الا مات والا عايش على امل بس ياريت يكون امل صحيح انا معى ابن ما شفش ابوة من يوم ما اتولد عندة 8سنين انا بترجى الخارجية ونداء الى الجميع ياريت يرددوا علينا لو سمحتوا دول 24 شاب ياريت حد يرد علينا طبعا انتوا لو مكانا هتعملوا اية احنا تعبنا اقوى اقوى منقول
الرجوع الى أعلى الصفحة اذهب الى الأسفل
 
رائـــحة الغريــــــــق " مهاجر "
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى السوق التجاري المفتوح  :: الصالون الأدبي :: قصة قصيرة-
انتقل الى: