احمد فؤاد نجم(كأنك مفيش)

برغم ان صورك فى كل الدواير
وكل المداخل وكل المحاور
وماليا الشوارع وعلى كل حيط
مطنش علينا وعامل عبيط
كأنك مفيش
يا فرحه قلوبنا رئيسنا ظريف
فكهى ابن نكته ودمه خفيف
فى عهدك سياتك فرشنا الرصيف
واخر منانا الغموس والرغيف
وكل اما تخنق ندور مفيش
مسيب علينا عصابه حبايبك
فضايح وسرقه ونهب بسبيبك
مابين حسب نجلك وهانم جلالتك
وجيش الغوازى اللى داير يجاملك
ونملك وقملك وامنك وحرثك وامنك
شبعنا مهانه شبعنا لطيش
وانت مفيش
بعونا فى حضورك
ببركه عبيدك وغالى وسرورك
باعوا الاراضى وكل المصانع وباعوا البنوك
وقدام عنيك صوتنا اتنبح ننادى عليك
الحق يا ريس دا باعوا الحديد
وانت منشف دماغك عنيد
كأنك مفيش
دوشتوا دمغنا ب جمال طلعتك
ومن يومها واحنا عبيد حضرتك
ما تزعلش من مواطن أبيح
رافض كلابك فىشعبك تطيح
حسابهم يا ريس واضح صريح
ياريس شريفك مهواش شريف
نظيفك يا ريس مهواش نظيف
وحتى حبيبك مهواش حبيب
وانا غصب عنى خلاص استويت
فى غلبى انحنيت وطلعان عنيا
وصعبان عليا
امانه عليك حط الوطن جو نن عنيك
كرامه عيالك امانه امانه ف ايديك
بحق اللى بنا يا ريس وبينك
وحق اليمين والكتاب فى يمينك
بحقق الشهيداللى رافع جبينك
وجيش انتصارك فى يوم العبور
وجيل حر طالع وعدته بدور
لملم عيالك وجمع فى مالك
واسحب جمالك
وسبنا وغووووووووووووور
احمد فؤاد نجم

شيف عز و مطنش كأنك مفيش

شوفي ليلى ياسوزي وطنشيش

الدنيا صعب عليكم فى السن الكبير ومطنشيش
شوفي سركوزي من المروئة مفيش

شكرا على هذا الشعر الجميل