الإنتخابات " احمد فؤاد نجم"

الانتخابات
شوف عندك يا سلاملم
واتفرج يا سلام
ع المدعو دومه عيسوي
وزير الإمن عام
فى الفصل الانتخابي
من مرسح السلام
سارح بالبلطجية
والهجامه القدام
عشان ضمان عبوره
من دايرة لانتقام
واتفرج يا سلاملم
على عيسوي يا سلام

- العيسوي بيه
- العيسوي بيه
- صاحب البوكسات
- العيسوي بيه
- والحبسخناتات
-العيسوي بيه
- ملك اللومانات
- العيسوي بيه
- والمعتقلات
- العيسوي بيه

- بشرى لجميع الهباشه
العيسوي
رمز الطفاشه
سبحان الله
من أومباشه
حكم المأمور يا ماشالله عليه
- العيسوي بيه
- العيسوي بيه

بشرى لجميع الحشاشه
العيسوي بيه
رمز الماشه
سبحان الله من أومباشه
بقي كل الإمن العام فى إديه
- العيسوي بيه
- العيسوي بيه

من أجل ضمان الحرية
لجميع تجار الباطنية
العيسوي بيه ميه الميه
حيخلي القرش
بربع جنيه
- العيسوي بيه
-العيسوي بيه

-خليكوا فاكرين
- العيسوي بيه
-تنتخبوا مين
- العيسوي بيه
- فليحيا أمين
- العيسوي بيه
- ابن أم أمين
-العيسوي بيه
- العيسوي بيه
- العيسوي بيه
" احمد فؤاد نجم "

» احمد فؤاد نجم(كأنك مفيش)
» آخر قصائد أحمد فؤاد نجم في الرئيس مبارك نؤيد سيادتك
» الأبكم " احمد مطر "
» الأحزاب " احمد مطر "
» ازي حالك.... احمد زكي