من منزل المشير بالزيتون

من منزل المشير بالزيتون
في اجتماع مهين لجماعة الاخوان المسلمين تم بمنزل المشير بالزيتون كان اقرب الي الاستدعاء منه الي الاجتماع
حيث اجتمع عدد من مجلس العسكر بقيادة المشير مع كلا من المرشد العام للجماعه وخيرت الشاطر ومحمد مرسي ومحمود غزلان لمدة ساعه ونصف وكان المشير يتحدث معهم كما يتحدث لجنوده وبانفعال شديد كان كله تهديد ووعيد لدرجة انه قال انتوا ممكن متروحوش من هنا وقد املي عليهم بعض الاوامر ولم يكن لديهم اي اختيار غير الموافقه
واصدر المشير اوامره للمرشد ولخيرت الشاطر ومحمد مرسي
مفيش حاجه اسمها سحب ثقه احنا مبنلعبش مع بعض عسكر وحراميه دي بلد ومسئوليه واللي مش عاجبه حيكون لينا معاه تصرف تاني ولم يرد احد
ثم تابع قوله انتوا متفكروش نفسكوا اذكيا ومفيش حاجه اسمها سكتنا له دخل بحماره والتهديد بترشيح رئيس وكلام من ده مرفوض ومحدش يلاعبني ليه انتوا فاكرينا ناس عبيطه عاوزين البرلمان وبعدين تشكلوا الحكومه وبعدين الرئيس يا حلاوه واحنا نروح نقشر بطاطس ده اسمه هبل وتطاول وتعدي للحدود واقسم بالله اللي حيتجاوز حدوده انا حوقفه عند حده وشغل البيانات واتهام المحكمه مرفوض وممنوع يتكرر تاني منعا باتا اللي عاوز يتكلم اهلا وسهلا لكن بيانات ولعب عيال حيكون ردي اعنف مما تتخيلوا
عاوزين تخدوها نصيحه اعتبروها نصيحه عاوزين تخدوها تهديد انتم احرار وكل واحد عقله في راسه يعرف خلاصه
فحاول المرشد التحدث فرد عليه احد الضباط الحضور انتظر لما سيادة المشير يكمل اوامره وبعدين حضرتك قول اللي انت عاوزه
وتابع المشير وبعدين يا سي خيرت هوه ماكين مش اتفق معاك علي كل حاجه وانت وافقت وبعدين تطلعوا تهللوا وتجري علي قطر عشان يكلموهم انتوا فاكرين سكاتنا ده ضعف لا تبقوا غلطانين وفيه فرق بين الصبر واني اكبر دماغي وبين اني اقدر اوقف كل واحد عند حدوده وخلي بالك الحكم عليك كان بامر والعفو برضه بامر وحاول تحسب امورك كويس
اما الجماعه بتوع المجلس والكتاتني راجل بيسمع الكلام وفاهم الدنيا ماشيه ازاي واتعلموا منه العقل شويه والتركيز
ووجه كلامه لغزلان يا دكتور خلي بالك من كلامك قبل ما تقوله المفروض للمتحدث الرسمي يكون بيوزن كلامه مش يرمي دبش ع الناس وتعملنا مشاكل مع الدول ونقعد نلم وراكم بلاوي اما تتكلم عدل اما تقولنا قبل ما تتكلم عشان نقولك تقول ايه انت عارف كام مصري في الامارات وممكن يفنشوهم في لحظه ويرجعولنا يا تري انت اللي حتاكلهم ولا القرضاوي بتاعك ركز يا دكتور غزلان في كلامك وبطل تنطيط في المحطات وهرتله مع اللي يسوي واللي ميسواش
عموما انا قلت اللي عندي مستني الرد
فصمت الجميع وتكلم المرشد انا عمري ما كنت اتصور ان اسلوب الحديث من سيادتك يكون بالطريقه دي انا حاسس اني قدام امن الدوله
قاطعه المشير واضح ان انت عاوز تلف وتدور انا قلت اللي عندي واعتبره امر مش رجاء وده اخر كلام
فرد المرشد مادام سيادتك شايف انه امر واخر كلام يبقي احنا جايين نبصم علي اعتراف
يقاطعه المشير واضح ان مفيش معاكم فايده والكلام بالذوق والاحترام مبيتفهمش عموما الاجتماع انتهي وانتم احرار
وينصرف المشير تاركا الباقي في الصالون فيتدخل احد الضباط للحوار معهم السيد المشير عمري ما شفته زعلان بالطريقه دي دا راجل كلمته واحده ومبيطولش في الكلام وانا عاوز رد ابلغه لسيادته قبل ما تنصرفوا
فرد المرشد عموما احنا عاوزين وقت نفكر عشان يكون ردنا سليم ونرجع لمجلس شوري الجماعه
الضابط وغالبا هو العصار لا الرد حالا ويا ابيض يا اسود وعليه حيتحدد الموقف وطريقة التعامل ولازم ابلغ سيادة المشير بردكم
المرشد هل ممكن عشر دقايق نتشاور
العصار اتفضل
ويتشاور المرشد مع باقي جماعته ويعود للعصار بلغ سيادة المشير ان احنا موافقين علي طلبات سيادته بس يدينا فرصه عشان نقنع باقي اعضاء الجماعه وخصوصا الشباب ونحاول نجيبها بالراحه
العصار يعني ابلغ سيادة المشير بالكلام ده
المرشد اتفضل وياريت ابلغه انا بنفسي
ينصرف العصار ويعود ليخاطب المرشد سيادة المشير مشغول وبيشكركم جميعا وبيعتبر تعهدك ده عقد مكتوب وممكن يكون لينا كلام وقت تاني
وينصرف المرشد وهو في ذهول هو ومن معه
الكثيرون سيسالون وكيف عرف عمر عفيفي نص الحوار بهذه الدقه
الاجابه بسيطه ولكن في وقتها ستعرفون كل شئ
والسلام عليكم ولا تعليق
عمر عفيفي