البرادعى فعلا مازال سابقنا بسنين ضوئيه ....
البرادعى قال لو نزل مليون واحد الشارع هنقدر نغيرالنظام ..
قولتو عليه بيحلم .. بس ربنا نصره
قال لاء فى استفتاء مارس قولتوا مش عايز استقرار وطلع هوا اللى صح
قال مينفعش ننتخب رئيس قبل الدستور
قولتوا ده عايز يوقف المراكب السايره قولتوا عليه مبيفهمش وطلع هو اللى صح
قال مش هترشح للانتخابات الرئاسيه
فضميرى لايسمح قولتوا عليه خايف وطلع فى الاخر صح
قال الدستور الاخوانى ده مش هيعيش وان مصر اقوى
قولتوا عليه بيحلم وكلامه هوا اللى اتحقق
طول عمرنا بنقول البرادعى سابقنا بسنين ضوئيه
بس للاسف محدش بيفتكر الكلام ده الا لما كلامه يتحقق
بس شاطرين ينتقدوه وخلاص
البرادعى لما قال انه ضد فض اعتصام رابعه بشكل غير قانونى
انتقده الناس بس مفهموش هوا كان بيفكر ازاى
لما الاعتصام ده يتفض بدون سند قانونى ....
دا معناه ان الداخليه ممكن بعد كده تفض اى اعتصام بدون موافقه الحكومه
ومجلس الشعب
ولما الاعتصام ده يتفض بدون امر من الحكومه ومجلس الوزراء تحديدا
ويصدق عليه رئيس الجمهوريه
يبقى العالم كله بدل ما هو شايف الاخوان فصيل ارهابى
هيبقى فصيل مضطهد ويرجعوا بقى يعيطو للمجتمع الدولى
هتقولى ماهما هيعيطوا بردو دلوقتى
هقولك تفرق كتير لان دلوقتى دا قرار باجماع الحكومه كلها
لان الاعتصام بيهدد امن البلد الامن القومى مش امن المعارضه ..
تفرق كتير
دا مش تبرير على فكره دا تشغيل عقل واصحاب العقول هيفهموا
أن البرادعى فعلا مازال سابقنا بسنين ضوئيه ...