كلمات روعة لتتر مسلسل خاتم سليمان
عاشق سارح فـ الملكوت
ما يهموش العمر يفوت
يدفع في الحرية حياته
لو اتكتف فـ لحظة يموت
قلبه بيبرق زي الماس
ولا يملك غير الاحساس
غرقان فـ جروحه وآلامه
وبيداوي فـ جروح الناس
بايع قلبه للـ يحبه
وما عندوش في الحب شروط
عاشق سارح ف الملكوت
ولو اتكتف للحظة يموت
طير في السما ومالوش عنوان
وف ايديه خاتم سليمان
كان عايز بالضحكة يغير
ويدوب كل الاحزان
عاش الحلم كأنه حقيقة
وافتكر ان الدنيا بريئه
من طيبته سلم لحبيبته
وحبيبته بتبيع في دقيقه
قوم واتحرر من اوهامك
العمر بيخلص قدامك
الطير مش هايطير في جهنم
وما فيش سمكه بتعشق حوت
عاشق سارح في الملكوت
ما يهموش العمر يفوت
يدفع في الحرية حياته
لو اتكتف فـ لحظة يموت