منتدى السوق التجاري المفتوح
اهلا وسهلا بيك في منتدى زنارة
نتشرف بيك ويسعدنا انضمامك الى اعضاء المنتدى
منتدى السوق التجاري المفتوح
اهلا وسهلا بيك في منتدى زنارة
نتشرف بيك ويسعدنا انضمامك الى اعضاء المنتدى
منتدى السوق التجاري المفتوح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى اقتصادي تجاري متنوع
 
الرئيسيةأحدث الصورالتسجيلدخولالصحف

 

 هل تسمعنى

اذهب الى الأسفل 
كاتب الموضوعرسالة
حازم شلبى
عضو فضي
عضو فضي
حازم شلبى


عدد المساهمات : 37
السٌّمعَة : 3
تاريخ التسجيل : 07/07/2009
العمر : 56

هل تسمعنى  Empty
مُساهمةموضوع: هل تسمعنى    هل تسمعنى  I_icon_minitimeالجمعة 12 نوفمبر 2010 - 1:39

من اشعار على سلامة
.......................................


1-

ألو ألو..
هل تسمعني؟!
بكلم حضرتك من قدام..
فرن الحاج أبو صلاح..
كله سعادتك تمام..
والشعب مستمر ف الكفاح..
لا يا فندم مفيش قلق..
شوية كسور وكدمات..
واللي مات مات..
واللي راح راح..
الحمد لله زي الفل..
ويا رب ديماً..
من نجاح لنجاح..
معايا يا فندم..
ورحمة أمي مبسوط ومرتاح..
كله من خير سعادتك..
إحنا بس محتاجين خميرة بيرة..
لأ يا فندم.. بيرة إيه..
أستغفر الله..
هو أنا بتاع كده..
أكلم حضرتك بعدين بقي..
عشان تقريباً الكارت خلص..


2-

ألو ألو..
هل تسمعني..
بكلم معاليك..
من محطة أبو غريب..
هو يا فندم القطر..
اللي لا بيودي ولا بيجيب..
العتمة الكتمة..
الزحمة الكئيب..
الشعب..
ماله الشعب..
فرحان وإحساسه عالي..
وكل الحالات بتستجيب..
معانا يا فندم..
أجزخانة لكل مواطن وطبيب..
مرهم للحروق..
ورحمة أمي بعت أجيب..
طب يا فندم عشان القطر اتحرك..
الموت علينا حق يا فندم..
واللقا نصيب..


3-

ألو ألو
هل تسمعني
بكلم جنابك
من عزبة شحات العريان
دي حتة كده يا فندم
بعيدة عن العين
لكن قريبة من حلوان
مفيش ميه يا فندم..
لكن مفيش حد عطشان
نور
ملوش لزوم النور يا فندم
كفاية الإحساس بالأمان
أنا
ورحمة أمي زي الفل
مناخيري
لأ.. ده دور برد من زمان
الشعب
مبسوط وبيغني وفرحان
ما هي مصر حضرتك
إمبارح كسبت السودان
طب يا فندم
عشان تقريباً البيت بيقع
لا إله إلا الله


4-

ألو ألو..
هل تسمعني..
بكلم معاليك م المستشفي..
آه والله العظيم..
تصور..
كبد البلد سليم..
ووشها منور..
قطن وشاش..
لأ يا فندم ما يلزمناش..
ده الشعب كله متعور..
دكاترة..
أشعة..
تحاليل..
ده ترف يا فندم..
أوامر سعادتك..
ورحمة أمي هادور..
رسم قلب..
عارفة يا فندم..
بتاع طويل كده ومدور..
بعد إذن حضرتك يا فندم..
جالي كرشة نفس..
تقريبًا بموت..
الدوام لله يا فندم..


5-

ألو ألو..
أوطي صوت التليفزيون إزاي يا فندم..
ده أنا بتكلم من سوق الخضار..
طول عمرها القوطة مجنونة سعادتك..
بس الجديد بقي الخيار..
والبطاطس..
هايصة خالص..
عشان الزيت أسعاره نار..
والكوسة شكلها يفرح..
ماشفتهاش أبدا كده..
والشمس طالعة..
وف عز النهار..
المواطن..
نفس الابتسامة العريضة حضرتك..
هيموت م الفرح..
خصوصا بعد ما سمع..
عن علاج البواسير بدون جراحة..
إمبارح ف نشرة الأخبار..
المشكلة أنا يا فندم..
من يومين كده..
ابتدي يلعب ف عبي..
ييجي مليون فار
الرجوع الى أعلى الصفحة اذهب الى الأسفل
http://haneeni.blogspot.com
 
هل تسمعنى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى السوق التجاري المفتوح  :: الصالون الأدبي :: قصائد و اشعار-
انتقل الى: