زعيم حزب الكنبة

أنتوا اللي مش فاهمين :-
زي ما قوتلكم في عن عم مجدي زعيم حزب الكنبة اللي عمره فوق ٧٠ سنة صديقي على القهوة اللي مش بيتكلم كتير بس بيخبط كلمتين في العضم و يرجع يسكت
كان دائما لما يكون في مناقشة سياسية على القهوة يفضل يسمع يسمع الشباب و أنا منهم و بتكلم بكل حماس كان يسمع للآخر و يقولنا أنتوا مش فاهمين و يسكت بعدها
الراجل بصراحة عقد أمي بالكلمة دي .. سنتين بيتكلم قليل جدا و لما يتكلم يخبط كلمتين في العضم و يسكت و أغلب الوقت يسيبنا نتكلم و هو بيشرب حجر المعسل و يبصلي لما أخلص كلامي و يقولي أنتوا مش فاهمين
بصراحة كنت ببقى متغاظ جدا من الكلمة خصوصا أنه مكنش بيقولي هو إية اللي احنا مش فاهمينه
أول امبارح قررت أعرف هو إية اللي احنا مش فاهمينه و أصريت أعرف فقاللي اطلبلي فنجان قهوة على حسابك و أنا اقولك
بصت له و أنا هتنقط و قولت يعني سنتين مش عايز تقولي مش فاهمين إية عشان طمعان في فنجان قهوة .. قصر الكلام هطلبلك ٣ قهوة بس قولي إية اللي احنا مش فاهمينه
قاللي أنتوا قعدتوا في التحرير قبل ما يمشي مبارك ١٨ يوم صح ؟! قولت له صح قاللي مشي امتى ؟! قولت له لما ملايين الناس نزلت و زحفوا على القصور
قاللي بص يا ابني أنتوا الشباب بتوع حرية و ديمقراطية .. احنا بتوع حزب الكنبة لا يهمنا حرية ولا ديمقراطية ولا بتنجانية احنا أهم حاجة عندنا لقمة العيش
أنتوا قعدتوا في التحرير ١٨ يوم و احنا بتوع الكنبة نقولكم خلاص مش هيورث ابنه روحوا خلاص هيعدل الدستور روحوا خلاص عايز يتنيل يموت في بلده روحوا خلاص عرف غلطته روحوا ... كنا بتقولكم روحوا عشان حالنا واقف و عايزين نأكل عيش ١٨ يوم جبنا آخرنا و مفيش الهوا في جيوبنا و لما عرفنا أنكم مش هتروحوا قولنا يبقى هو بقى اللي يروح عشان نخلص و بلاش وجع دماغ عايزين نأكل عيش و نزلنا نمشيه.
هو دة تفكير حزب الكنبة اللي من غيره مش هتعرفوا تضربوا الضربة القاضية و تخلصوا على مرسي و جماعته .. احنا هدفنا الأول لقمة العيش .. مصر فيها ٥% مؤمنين بالثورة و ٥% منتفعين في الثورة و ٩٠% عايزين يكلوا عيش
اللي هينزل يأييد مرسي كبيرهم و كبير كبير كبيرهم ٥% إخوان على سلف على ناس بتصدق الدقون الوسخة و أنتوا الشباب بتاع الحرية و الديمقراطية ٥% و احنا بتوع لقمة العيش ٩٠% و آل ٩٠ ناولين يوم ٣٠ يغورو بوز البومة ابن سنية عشان لقمة العيش لا عشان حرية ولا دستور ولا ديمقراطية ولا كل الكلام دة
مش أنتوا اللي بتحشدوا ليوم ٣٠ ... الجوع هو اللي حشد ليوم ٣٠
و لو فراحنين ب ١٥ مليون توقيع فاللي جاعو و نازلين يوم ٣٠ اكتر من كدة بكتيرررررر "جاعووووو" عيالهم بتنام من غير عشا و هدومهم دابت على جتتهم
عرفت أنكم بقالكم سنتين مش فاهمين ؟!
أنتوا بتوع حرية و ديمقراطية و دستور .. احنا بتوع لقمة العيش اللي مبقتش موجودة عشان كدة احنا معاكم لأن عيالنا هتموت من الجوع يعني لو تبت مرسي فيها هننهيش لحمه و لحم أهله و عشيرته و نعمل على لحمهم النجس حفلة شوي جماعي ... احنا بتوع الكنبة هناكلهم بسنانا ... احنا نازلين بمبدأ يا وأكل قوتي يا ناوي على موتي وهما ناوين على موت المصريين ... يوم ٣٠ هتشوف شعب تاني مشفتوش قبل كدة أنا عندي ٧٠ سنة و عارف يعني إية مصر يوصل به الذل أنه مش لاقي يأكل بيته ..... و ختم عم مجدي كلامه بكل هدوء و قال " أديني فهمتك إية اللي أنتوا مش فاهمينه .. يلا بقى اطلبلي القهوة و قوم من هنا عشان عايز أشربها من غير وجع دماغ" Smile

» حزب ( الكنبة ) المصرى