وعشان تعيش تصبح حماده ..

الشاعرة : دعاء عبد الوهاب

آه يا وطن موجوع زياده ..
بيع الكرامة والذل عاده ..
أنا عبد مأمورك يا باشا ..
وطاعة الآمر عباده ..

الباشا يسجن أى حد ..
والتهمة جاهزة رتب وعد ..
مخدرات بانجو وقواده ..

آه يا وطن فيك العجايب ..
الظلم حاضر والحق غايب ..
واللى استباحنا ياخد قلاده ..

آه يا وطن من بعد ثورة ..
لسه الفساد عايش مغامرة ..
أما الفقير تحت البيادة ..

آه يا وطن محتاج قيادة ..
بيموت فداك عفت ومينا ..
وعشان تعيش تصبح حماده ..

» كيف تصبح خبيراً استراتيجياً؟!
» الشاعر تميم البرغوثي في العالم العربي تعيش