منتدى السوق التجاري المفتوح
اهلا وسهلا بيك في منتدى زنارة
نتشرف بيك ويسعدنا انضمامك الى اعضاء المنتدى
منتدى السوق التجاري المفتوح
اهلا وسهلا بيك في منتدى زنارة
نتشرف بيك ويسعدنا انضمامك الى اعضاء المنتدى
منتدى السوق التجاري المفتوح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى اقتصادي تجاري متنوع
 
الرئيسيةأحدث الصورالتسجيلدخولالصحف

 

 العمدة المنتظر

اذهب الى الأسفل 
4 مشترك
كاتب الموضوعرسالة
مهاجر
مشرف منتدى القصة القصيرة
مهاجر


عدد المساهمات : 195
السٌّمعَة : 1
تاريخ التسجيل : 06/07/2009

العمدة المنتظر Empty
مُساهمةموضوع: العمدة المنتظر   العمدة المنتظر I_icon_minitimeالإثنين 3 مايو 2010 - 8:26

في بيت الاستاذ عبد الله في غرفة الصالون اجتمع كل مشايخ البلد وكُبرائها في اجتماع طارق!!

الاستاذ عبد الله هو سكرتير عام المحافظة سابقاً وله شأن وكلمة مسموعة في البلد .

امتلأت الغرفة عن آخرها لدرجة ان الاستاذ عبد الله اضاف كراسي بلاستيك إلى الغرفة حتى تتسع لضيوفة .

-
يا جماعة انا دعيتكم النهاردة علشان نناقش موضوع الترشيح للعمودية .

وقبل كل شيء عايز كلامنا يبقى بعيد عن المصالح الشخصية وبعيد عن الخلافات

احنا يهمنا مصلحة بلدنا .

العمده الحج حسان دلوقتي ربنا يديله الصحة عدى السبعين ومش عارفين هو ناوي على إيه !

يا ترى هايترشح تاني ولا زي ما سمعنا هايرشح حد من عيلته .

وزي ما انتم عارفين نظام العمودية اتغير ما عدش زي زمان يعني بقى بالترشيح والانتخابات

ولازم يكون لينا دور وننتخب الشخص المناسب إللي يشوف مصالح اهل البلد .

علشان كده جمعتكم وحبيت اعرف إيه رأيكم ؟

الشيخ محمد إمام المسجد كان متحفزاً ومنتظر الأستاذ عبد الله حتى ينتهى ويأخد هو كلمة البداية .

-
شوفوا يا اخوانا انا رأيّي إن الحج حسان ربنا يطول في عمره لسه بصحته ويقدر يترشح وهو عنده خبرة كبيرة في الموضوع ده وبقالوا اكثر من عشرين سنة عمدة بلدنا وشايف مصالح البلد على خير وجه يبقى ليه ندور على غيره ونجيب واحد جديد يتعلم فينا العمودية ! ولو هو شاف نفسه مش قادر يكمل وعايز يرشح حد من عيلته يبقى خير وبركة وهو ادرى بأمور العمودية ويعرف من إللي يصلح للمهمة دي واللي اتربى في بيت العمده اكيد كل الامور كانت بتتناقش قدامة وتنحل قدامة وبيبقى عنده خبرة اكثر من واحد ما دخلش دوار عمده قبل كده ولا عدى من قدامة . والكلام ده انا باقوله لوجه الله لا عايز من العمده حاجة ولا من غيره.

ولم يعطي الأستاذ خليل المحامي فرصة لأحد وبدأ حديثة قبل ان ينهي الشيخ محمود كلامة.

-
يا اخوانا حالة البلد بقت صعبة جداً وكل يوم بتزيد سوء والعمدة ماشي ورا مأمور المركز و رئيس مجلس المدينة وعضو مجلس الشعب وبلدنا ما استفدتش حاجة لا من ده ولا من ده .

والبلاد إللي حوالينا كلها شايفه مصالحها بعيد عن المأمور والمجلس المحلي وبنوا مدارس جديده ودخلوا مجاري واللي ما كنش عنده مستوصف بقى عنده واللي ما كنش عنده جمعية زراعية بقى عنده واحنا محلك سر المدرسة الابتدائي هاتقع على العيال والاعدادي إللي كان كل البلاد إللي حوالينا بييجوا يدرسوا فيها بقت متهالكة والفصل فيه 50 و 60 طالب والمستشفى اتهجرت و الدكتور بتاعها فاتح عياده في المركز وبيجي ساعة الصبح ويمشي بقى كل نشاط المستشفى بس في تطعيم العيال . اللي يروح لحالة طارقة بالليل ما بيلاقيش فيها حتى السرنجة و مستودع الغاز العمده سمح لاصحابة يبيعوا الانابيب لكفر داوود بالسعر المدعوم واحنا نشتري الانابيب من السريحة بضعف تمنها و فـ الشتا ما بنلقيهاش والطريق الرئيسي بتاع البلد ما اترصفش بقالوا اكثر من 15 سنة وما بقتش تعرف هو طريق مرصوف ولا ترابي .

يا جماعة ده وقت التغيير احنا نشوف اصلح واحد ونختارة ونقنعة انه يترشح ونقف وراه .

رد الاستاذ سيد ناظر المدرسة الابتدائي

-
انا باتفق تماماً مع الاستاذ خليل وكل كلمة قالها في محلها وانا شايف ان انسب واحد ممكن يترشح للمنصب ده هو الاستاذ عبد الله وليه لأ ! راجل شغال سنين في المحافظة وليه معارفة وليه مكانته في المركز وخدوم ويقدر يشوف مصالح بلدنا .

يا جماعة انا ما عملتش الاجتماع ده علشان ارشح نفسي انا صحتي على قدي وما اقدرش اتحمل اعباء العمودية وبعدين انا عديت الستين ، وبصراحة انا ما ليش في دور العمودية, و بعدين انا مش لازم اكون عمده علشان اخدم البلد كل واحد يقدر يخدم البلد وهو في مكانة .

رد الحج عبدالسلام من كبار اعيان البلد :

-
يا جماعة احنا بنوقر الحج حسان وبنحترمة بس حالة البلد بقت صعبة ، والناس حالتها بقت تصعب ! شباب البلد المتعلمين كلهم سافروا ، والفلاحيين سابوا الارض بور بدون زرع إما علشان تكاليف الزراعة اللي بقت مكلفة والمحصول ما بيغطيهاش او علشان تدخل في كاردون المباني ويبنيها او يبيعها مباني !ارض بلدنا اللي كانت من اخصب الاراضي في المنطقة عمدان الاسمنت بلعتها !

وحتى المية اللي كانت متوفرة بدأت تقل والبلاد اللي قبلنا على الترعة عملت قناطر وقللت حصتنا من المية وللأسف العمده ولا هو هنا ولا حتى مدير الجمعية اتحرك بس كلام وخلاص!! والجمعية الزراعية بقت فاضية بس للتجارة في قوت الغلابة بتشتري من بره اردئ انواع الأسمدة والمبيدات واللي بتجيب لخلق الله المرض ، حتى البذور اللي كانت كل البلاد بتيجي تشتريها من عندنا اختفت وبلونا بانواع ما تعرف جايبنها منين ، واهو كله بيرزق مدير الجمعية ومدير البنك الزراعي والعمدة .

رد الشيخ محمد بانفعال

- "
يا جماعة اتقوا الله عيب نشكك في ذمة العمدة ، وبلاش نتكلم كلام مرسل ونرمى الناس بالباطل "

خليل : يا شيخ محمد الناس كلها عارفة الكلام ده ، وعلى العموم ما تزعلش افرض ان العمدة ذمتة سليمة ومش مشارك في المواضيع دي ، طيب ما سمعش عنها ، لو كان سمع عنها ليه ساكت عليها وان كان مسمعش تبقي دي المصيبة الكبيرة .

كان الاستاذ يحيى رئيس قسم الشؤون القانونية في المحافظة ينتظر ان ينتهى كل واحد من عرض رايه حتى جاء دورة في الكلام

- "
انا يا جماعة بفكر في الموضوع ده من فترة وبصراحة انا اتكلمت مع واحد شايف انه هو انسب واحد للموضوع ده

الاستاذ محمود المراكبي (رئيس المجلس القومي للبحوث) أظن كلنا نعرفة كويس هو أي نعم عايش طول حياتة في القاهرة بس انا سمعت انه خلاص قدم استقالتة وهيرجع يستقر في البلد.

وهنا اندفع المهندس امجد عزيز صاحب اكبر مستودع لمواد البناء في البلد والبلاد المجاور

- "
يا جماعة ايش فهم الاستاذ محمود في العمودية وايه العلاقة بين المجلس القومي للبحوث والعمودية " هو يعني علشان اتكتب عنه في الجرايد كلمتين وطلع في كام برنامج على التليفزيون يبقى ينفع عمده !!! لو كل واحد اتشهر واتكتب عنه في الجرايد والتلفزيون هانعمله عمده يبقى انسب واحد هو الكابتن انور الشرقاوي بطل كمال اجسام على المحافظة وتاني الجمهورية اظن هو اشهر من الاستاذ مصطفى وبينزل البلد اكثر منه ومعروف في البلد اكثر منه وكمان صحته جامدة ويستحمل !!

وهنا تدخل الاستاذ عبدالله " يا باشمهندس ايه جاب الاستاذ محمود للكابتن انور وبعدين ايه صحته جامدة دي هو احنا عايزين عمده ولا نفر يشتغل عندك في المخزن !!

انا شايف ان اي حد نشوف انه يصلح يترشح واحنا دورنا ننور الناس ونوعيها كل راجل مثقف في البلد وكل شيخ عيلة دورة توعية الناس بدون التأثير عليهم ويقوم بدورة بدون التحيز لحد وبدون مصالح ولا مجاملات ونسيب الناس تختار .

ايه رأيكم !!

خلاص اتفقنا .

وفي الليلة الاخيرة قبل اغلاق باب الترشيح

اجتمع مجموعة من ابرز اعضاء الاجتماع الذي تم في بيت الاستاذ عبد الله ولكن نظراً لتعرض الاستاذ عبد الله لظرف طارق وعدم تواجده في المنزل تم نقل هذا الاجتماع في الحجز الخاص بمركز الشرطة .

الغريب انهم من ساعة ما دخلوا الحجز ما حدش دخل عليهم ولا وجه لهم تهمة حتى الظابط اللي قبض عليهم ما قالش إلا كلمة واحدة ( سيادة المأمور عايزكم ) !!

في داخل الحجز اجتمع الاستاذ عبد الله والاستاذ يحيى والاستاذ خليل المحامي والاستاذ سيد ناظر المدرسة والحج عبد السلام .

الاستاذ يحي : احنا وضعنا هنا غير قانوني و الموضوع ده مش هيعدي على خير ولازم ارفعة لإعلى مستوي .

خليل : انا اتصلت بمحامي صاحبي هايبلغ نقابة المحامين والصحافة وهاعمل فضيحة لهم ان شاء الله.

إيه ساكت ليه يا استاذ عبد الله :

عبد الله : بفكر في الوضع ده ، هما ليه النهاردة عملوا معانا كده وهما عارفين باجتماعاتنا من زمان وبعدين يعني ليه سابونا طول المدة دي وقبضوا علينا النهاردة .

واحنا هنا بتهمة إيه !

على العموم بكره كل شيء راح يبان هيعرضونا على النيابة ولا لأ.

و اخبار الاستاذ محمود المراكبي إيه.

يحي : هاينزل من القاهرة بكره الصبح على مكان الترشيح ويرشح نفسه زي ما اتفقنا .

عبد الله : وباقي المرشحين

خليل : ما فيش منهم فايدة ! دول ترشيحهم بيزيد من اسهم العمدة علشان كده ما حدش جه نحيتهم

وفجأة انتبه الاستاذ عبد الله لوجود عم سعيد بياع البطيخ في الحجز .

عم سعيد ايه اللي جابك هنا ؟

والله ما انا عارف يا بيه

انا كنت رايح اوصل البطيخ لبيت الاستاذ يحي وانا راجع البوكس خادني وجابني هنا , مش عارف علشان ايه

حتى الظابط في البوكس سألني بتشتغل ايه قولت له بابيع بطيخ يا بيه ، قاللي احمر ولا اقرع قولتله احمر يا بيه قاللي

"
وكمان احمر" و قام سافخني كف على قفايا وشلوط لقيت نفسي مرمي في ارضية البوكس ورموني هنا في الحبس .

هو ايه اللي حصل يا بيه وانتو هنا ليه .

احنا هنا برضه علشان البطيخ يا عم سعيد !

هو البطيخ فيه مشكلة السنة دي يا بيه ولا إيه ؟

ايوه يا عم سعيد البطيخ السنة دي كان عايز يتغير وما يبقاش بطيخ ؟

ما يبقاش بطيخ !! اومال يبقى ايه ؟

كان عايز يبقى ليه كيان ويختار ويحدد مصيره !

انا يا بيه مش فاهم حاجة من كلامك ولا فاهم انا هنا ليه ؟

ولا حد فاهم يا عم سعيد

احسن ما تفهمش اصل لو فهمت حاتتعب

يا استاذ خليل بصفتك محامي يا ترى ايه هيا تهمت عمك سعيد

والله انا لسه ما اطلعتش على محضر الظبط

بس ما دام الظابط زعل ان البطيخ احمر

يبقى عمي سعيد اكيد يساري واحنا ما نعرفش

يا رفيق سعيد انت كنت عضو في "حدتو"

ايه حدتو دي يا استاذ خليل

دي جماعة كانت بتستورد البطيخ من روسيا

لا والله يا استاذ انا طول عمري باجيب البطيخ من الشادر
على العموم بكرة حانعرف ايه الحكاية
وفي الصباح في تمام الساعة 10 صباحاً سمعوا صوت الباب بينفتح ودخل عليهم راجل ملفوف ببطنية ميري ومن زقة العسكري له وقع على عم سعيد اللي صحي مفزوع من النوم ،

ما تحاسب يا افندي انته ، معلش يا حج اصل العسكري هو اللي زقني لا مؤخذة !

ايه ده مين ، معقول

استاذ محمود ، انت غلطت في العنوان ولا إيه دا هنا الحجز مش المحافظة!

انت عارفني

انا عبد الله يا استاذ محمود ودا يحيى

معلش اصلي داخل من النور والحجز ضلمة مش شايف كويس

-
ايه اللي عمل فيك كده

-
العمودية يا سيدي

-
ليه هو ده الزي الرسمي للترشيح

-
لأ ده الزي الرسمي للمرشح المستقل

-
ايه اللي حصل

-
انا زي ما اتفقنا الساعة 8:30 كنت قدام المحافظة وانا في طريقي من العربية لباب المحافظة فوجئت بثلاثة شباب جايين جري نحيتي انا فكرتهم من شاب البلد وجايين يقابلوني وفجأة لقيتهم هجموا عليا وهات يا تقطيع في الهدوم والظباط والعساكر واقفين يتفرجوا حاولت استغيث بيهم ولا هما هنا لدرجة اني خوفت يكون بيتهيألي ! ولا حتى بصوا نحيتي ! والغريب ان الناس في الشارع كانوا بيشاهدوا المنظر وهما ماشيين في طريقهم .

ما مفيش حد فكر حتى يقف ويقول فيه ايه ! انتوا بتعملوا كده ليه !!

وبعد ما خلصوا وانتهت مهمتهم وبقيت عريان زي ما ولدتني امي ! لقيت البوكس جاي وفيه المخبرين

والعساكر ونزلوا فيا ضرب ولفوني في البطنية دي وجابوني على القسم

وفي القسم عملوا لي قضية فعل فاضح في الطريق العام وحولوني على هنا

-
والله دا هما اللي فعلهم فاضح ،

-
طيب والحل

-
حل إيه ما كده خلاص خلصت ودا جواب لسؤالك يا استاذ عبدالله

-
ايه يا استاذ خليل

-
النهاردة أخر يوم في الترشيح واكيد مش هانخرج النهاردة يعني الاستاذ محمود مش هايلحق يرشح نفسك .

-
والقضية دي هاتطلع فشنك وهياعتزروا ليه كمان ويبوسة على راسه

-
واحنا هانخرج من غير ما نتعرض على النيابة واتوقع ان احنا حتى اسامينا ما اتسجلتش في السجلات

-
وخلصت الحدوتة وكل انتخابات وانتم بخير ويجعلوا عامر

وفي اليوم التالي جه كمال ابن اخو العمده ومعاه شيخ الخفر وشابين من البلد إلى النيابة

وامام وكيل النيابة شهد الشابين ان الاستاذ محمود تعرض للضرب وتم تمزيق ملابسة بفعل فاعل وادلوا باوصاف الشباب الثلاثة اللي مزقوا ملابسة.

"
وعليه فقد قررنا نحن علاء عز الدين وكيل اول نيابة قسم اول بإطلاق سراح المذكور اسماؤهم بكفالة السيد كمال حسين عمدة ميت الفراعنة ....

يا علاء بيه لسه ما بقيتش عمده ، الكلام ده بعد الإنتخابات

يا كمال باشا هو فيه مرشح غيرك ؟

كل المرشحين اتنازلوا
وبعدين حتى لو كان فيه مرشحين بالانتخابات النزيهة برضه هتبقى عمده .

"
كما قررنا الافراج عن السيد محمود المراكبي من سراي النيابة بضمان محل إقامتة وحفظ القضية لعدم ثبوت التهمة الموجهه إليه"


"تمت"


عدل سابقا من قبل مهاجر في الإثنين 8 نوفمبر 2010 - 11:38 عدل 1 مرات
الرجوع الى أعلى الصفحة اذهب الى الأسفل
zahra
عضو ذهبي
عضو ذهبي



عدد المساهمات : 761
السٌّمعَة : 3
تاريخ التسجيل : 24/05/2010

العمدة المنتظر Empty
مُساهمةموضوع: رد: العمدة المنتظر   العمدة المنتظر I_icon_minitimeالأربعاء 26 مايو 2010 - 20:12

أخي الفاضل يجب أن تعيش بعيد عن هذا الواقع حتي ولو في خيالك فواقع الشعب المصري بأكمله سيئ يجب علي هذا الشعب أن يعترف أنه أصبح أجهل شعوب العالم وهذا المنصب لا ينازعه عليه أحد تعامل مع العالم وليس مع المصري كن عالميا ولاتكن مصريا فالمراكبي بعقليته العالميه يحتاج إلي دكتاتوريه لتطهير البيئه المصريه
الرجوع الى أعلى الصفحة اذهب الى الأسفل
مهاجر
مشرف منتدى القصة القصيرة
مهاجر


عدد المساهمات : 195
السٌّمعَة : 1
تاريخ التسجيل : 06/07/2009

العمدة المنتظر Empty
مُساهمةموضوع: رد: العمدة المنتظر   العمدة المنتظر I_icon_minitimeالسبت 29 مايو 2010 - 15:07

أولا شكراً على تعليقك على الموضوع
ثانياً لا يمكن للادب ان يعيش بعيداً على الواقع وإلا فقد مصداقيته ،
القصة او القصيده تسلط الضوء على الواقع وتشخص العلة حتى يمكن علاجها ولايصح ان نعيش بعيداً عن واقعنا ونكون عالميين كما تقول وإلا اصبحنا مغيبين.
اما ما يخص عقلية المراكبي فكلامك عنها يناقض ما قلته في البداية !
كيف تطلب ان نكون عالميين وفي نفس الوقت نحتاج إلى دكتاتور لتطهير بيئتا!


عدل سابقا من قبل مهاجر في الإثنين 8 نوفمبر 2010 - 11:39 عدل 1 مرات
الرجوع الى أعلى الصفحة اذهب الى الأسفل
Admin
Admin
Admin


عدد المساهمات : 552
السٌّمعَة : 6
تاريخ التسجيل : 29/06/2009
العمر : 49

العمدة المنتظر Empty
مُساهمةموضوع: رد: العمدة المنتظر   العمدة المنتظر I_icon_minitimeالثلاثاء 15 يونيو 2010 - 10:41

العمدة المنتظر Star3
الرجوع الى أعلى الصفحة اذهب الى الأسفل
https://zennara.ahlamontada.com
زناري
عضو ذهبي
عضو ذهبي



عدد المساهمات : 114
السٌّمعَة : 0
تاريخ التسجيل : 10/07/2010

العمدة المنتظر Empty
مُساهمةموضوع: رد: العمدة المنتظر   العمدة المنتظر I_icon_minitimeالثلاثاء 13 يوليو 2010 - 15:04

ملعووووووووووووووووووبة
الرجوع الى أعلى الصفحة اذهب الى الأسفل
مهاجر
مشرف منتدى القصة القصيرة
مهاجر


عدد المساهمات : 195
السٌّمعَة : 1
تاريخ التسجيل : 06/07/2009

العمدة المنتظر Empty
مُساهمةموضوع: رد: العمدة المنتظر   العمدة المنتظر I_icon_minitimeالإثنين 8 نوفمبر 2010 - 11:41

شكراً لك اخ زناري
معلش ما شوفتش تعليقك
الرجوع الى أعلى الصفحة اذهب الى الأسفل
zahra
عضو ذهبي
عضو ذهبي



عدد المساهمات : 761
السٌّمعَة : 3
تاريخ التسجيل : 24/05/2010

العمدة المنتظر Empty
مُساهمةموضوع: رد: العمدة المنتظر   العمدة المنتظر I_icon_minitimeالأربعاء 10 نوفمبر 2010 - 1:17

برقية عاجلة للدكتور البرادعي
الكاتب محمد عبد المجيد
هل رأيتَ جرّاحًا يدخل غُرفةَ العمليات، ثم يُشعل سيجارةً، وينفث دخانـَها في الهواءِ وهو يتأمله، والمريضُ يصرخ من الألمِ، ويبكي من الوجعِ، ويصيح من اليأس، ثم يطلب منه الجرّاحُ تفويضًا مُوَقـّعًا لتقديمِه إلىَ إدارة المستشفى لكي تجيز له القيامَ بالعملية؟
رائعٌ جدًا أنْ تغضب لحـُرمةِ أسرتِك، ولشرف ابنتـِك، لكن الأروعَ أنْ يحترق جهازُك العصبيّ لشرفِ أمةٍ من أعرق أمم الأرضِ يغتصبها أمامك، وفي كل لحظة، أحَطّ المخلوقات، وأسفل الطغاة، وأنذل لصوص عرفهم تاريخُ مصر.
الشائعات الفيسبوكيةُ الجبانةُ التي أطلقها كلابُ النظام كانت شوكةً صغيرةً لجسّ النبضِ، أما هدْمُ المعبدِ علىَ مَنْ فيه فهو مؤجَلٌ إلىَ حين، ومبارك الطاغيةُ لا يمزح، وكان ينبغي لك أنْ تَدْرُس تجربةَ الدكتور أيمن نور، ثم تعرّج على شراسةِ النظام مع مجدي أحمد حسين، وحتى تجربة الدكتور عبد الحليم قنديل الذي اختطفه الأوغادُ لتلقينه درساً في الصحراءِ، فالكبارُ لا ينزلون ساحةَ المبارزةِ كالفرسان النُبلاء، لكنهم يفترسون كالذئابِ المسعورة.
أنْ تطالب الشعبَ بعدم الذهابِ إلى صناديق الانتخابات البرلمانيةِ فهو أمرٌ هـَيّنٌ لأن عصابةَ التزييف والتزوير قادرةٌ علىَ الإتيان بصناديق جاهزةٍ، ومختومةٍ، ومغلقةٍ بالشمع الأحمر كأنها كانت في أحضانِ أعضاءِ لجنةِ الرقابة.
أنْ تطالب الشعبَ بمقاطعة الانتخابات الرئاسية فسيفتح العفريتُ القمقمَ بنفسِه، وسيخرج لتقديم مبارك أو ابنه للعالم كفائزٍ وحيدٍ بعد خروج مليونين أو ثلاثة ملايين من المغيَّبين من شبيبةِ الحزب الوطني الحاكم يهتفون بالروح والدم للطاغية الكبير أو .. الصغير! أخاف عليك من مُصارعة الضباعِ، وأخاف على شعبـِنا من ثقتك الكبيرة بأنَّ التغييرَ قادمٌ لا محالة، فالجائعون قادرون على الصبر عقدين آخرين لو وضعتَ في أفواهِهم فِتاتَ طعامِ لصوص الوطن.
لكن كلَّ الدلائل تـُشير إلى اكتمال أعفن عمليةِ نقل ملكية وطن من ديكتاتور إلى ابنه بدعم أمريكي إسرائيلي شريطة وقوف مبارك مع واشنطون وتل أبيب في الحرب القادمة، وفي الحقيقةِ فإنَّ طاغيةَ مصر لا يحتاج إلىَ شروطٍ لأنه يَعْرض خدماته علىَ قوَىَ الاستعمار كما كان المتعاونون يعرضونها بالتبرعِ لتسليم الوطنيين أو الابلاغ عنهم. وحتى لو وافق مبارك على التغييرات فالأمرُ يحتاج لأكثر لعامين من المداولات، وموافقة مجلسي الشعب والشورى، ثم الدعوة لاستفتاء، واللعب في الوقت الضائع وحينئذ يكون الطاغيةُ الصغيرُ قد خـَدَّر الشعبَ ببعض القوانين المُسـَكـِّنةِ للآلام، ثم يتضاعف رجالُ الأمن ليبلغوا مليونين أو أكثر.
لم يبلغ نبضُ الشعب درجةً من الوضوح والعـُلُوّ كما حدث منذ وصولـِك للمرة الأولى، وإذا خُضتَ بالمصريين البحرَ لخاضوه معك ولو غرق أكثرهم، لكنك كنتَ، ولازلت، تتحرك بقوةِ دفع مؤيديك حتى عندما اعتذرتَ عن اللقاءِ في الولايات المتحدة مع الجالية المصرية، ثم وافقت علىَ مَضَض، وفي لندن اشترطتَ أنْ لا تكون قاعةُ لقائـِك بالمصريين كبيرةً، وأن لا توَجَّه الدعوة لوكالات الأنباء والفضائيات.
الآن أعطاك مبارك، الذي تقول عنه بأنه لطيف ومُهذب ولا توجد معركة بينك وبينه، الإشارةَ الأولى، بالضرب تحت الحزام والتعرض لشرف أسرتـِك، لعلك تستعد لخوض اللعب مع الكبار، والمرة القادمة ستكون بحجم الدكتور محمد البرادعي، أي ربما تصفية جسدية من مختّل عقلي ( أي مرشد أمني أو مُسَجَّل خَطر)، وربما فضيحة أخلاقية فأوغادُ مبارك ماهرون في تلفيق قضايا التزوير.
لأول مرة أسمع منك كلمةً تثلج صدري وهي عن تهديدِك بأنك إذا حرَّضتَ الشارعَ المصري على العصيان المدني فستكون الأولىَ والأخيرة، وقد وضعَتْكَ هذه الكلمةُ في مواجهة النظام الذي لم يكترث لملايين التوقيعات، ولم تتحرك شعرةٌ في رأسـِه لمـَطـَالبـِك السبعة.
عزيزي الدكتور محمد البرادعي،
خصومُك هؤلاء أشرس من كلابٍ مفتِرِسة، ومبارك ليس له عَهْدٌ أو ذِمّة أو ميثاق أخلاقي، وينبغي أنْ تقفز الآن، وليس غدًا أو بَعْدَ غـَدٍ، علىَ كل المراحل السُلحفاتية التي تحرقك على المدىَ الطويل، وتستنفذ خلالها طاقةَ مُحبّيك، وتفلت منك المبادرةُ لو انفجرتْ الجماهيرُ لاسبابٍ أخرى خارجة عن إرادتـِك أو تخطيطـِك.
لا تجعل ثأرَك مع الطاغيةِ من أجل ابنتِك الكريمة فقط، فكلُّ مصري شريف له ثأرٌ مع مبارك، ولا تنتظر رَدَّ الفعلِ النهائي فاللعبُ معه ليس قائمًا علىَ قواعد أخلاقيةٍ يعرفها النبلاءُ، فَهُمْ ثـُلّة من الأوغادِ واللصوص والقـَتـَلة.
كما أنَّ الشعبَ معك فَثِقْ بأنَّ شعبـَنا المصريَّ يمكن أنْ ينقلب عليك بيّن عشيةٍ وضُحاها، فالذين خرجوا من أجل عبد الناصر، استقبلوا السادات لدىَ عودته من زيارة فلسطين المحتلة، وبعدها بعدة سنوات رفضوا الخروجَ في جنازتـِه عقب اغتياله في السادس من أكتوبر 1981! الجماهيرُ عمياءٌ في كل عصر ومكان، وهي تلعن من كانت قبل نصفِ ساعةٍ تفديه بالروح والدَم، والذين وقفوا أمام شـُرفة قصر نيكولاي تشاوشيسكو في العاصمة الرومانية بوخارست يصفقون له هم أنفسُهم الذين مزّقوا حبالـَهم الصوتية وهم يصرخون بسقوطـِه في نفس اللحظة، و .. عيّن المكان!
الجماهيرُ لك وعليك، والشبابُ المتحمسُ لطـَرْق الأبوابِ من أجل توقيعاتٍ لتثبيت موقفـِك، سيخرجون عن بِكرة أبيهم بطالبون بطردِك من مصر إذا حرَّكتهم آلةٌ إعلامية جهنمية تنشر قصةً خياليةً محبوكةً، ومضافًا عليها تحبيشات دينيةٌ مقدسة!
أجهزة الاستخبارات الأمريكية والإسرائيلية وبعض أصدقاء النظام في الشرق والغرب يعملون على مَدّ روحِ نظام الطاغية، تمامًا كما فعلوا مع معظم طـُغاة العالم، لذا فالوقتُ ليس في صالحِك بالمـَرّة، حسبما أرىَ، وقد تكون ثقتُك الزائدةُ في الزمن لك أو عليك! أما احراقُ المراحل كما يفعل كلُّ الثوار الذين انتصروا فهو الكَيُّ النهائيُّ والمفاجيء للاطاحة بأفسَدّ عائلةٍ حكمت أرضَ الكنانة منذ أنْ انتصب أبو الهول ليحرُس الأهرامات والتاريخَ ويُطِلّ علىَ المستقبل.
عزيزي الدكتور محمد البرادعي،
لا تنافس مبارك أو ابنـَه في انتخابات هزيلةٍ أنت أكبر منها، ولا تقف مُنتظِرًا صناديق الاقتراع في دولة غَرَسَ طاغيتـُها في كلِّ شِبْرٍ منها فسادًا ورِشْوة واحتيالا، ولا تنتظر أنْ ينحني الديكتاتور لمباديء الديمقراطية.
ربما يلجأ مبارك لأحد الحلول اللأخلاقية وذلك باشعال فتنةٍ طائفية تتناثر إثرَها أشلاءُ ضحايا المسلمين والأقباط، ليعلن أنه الوحيدُ القادرُ علىَ حماية الوطن من الحرب الأهلية أو التفتيت الطائفي، وربما يأمر أجهزةَ أمْنه بتلفيقِ تُهـْمَة قلبِ نظام الحُكم لعدةِ مئاتٍ من رموزٍ وقياداتٍ وطنيةٍ مصرية، أو يقوده الفكر ُالسَلطويُّ العفن إلىَ تفجير في أحد الأماكن الشعبية أو السياحية، فتخرج الجماهيرُ المغيَّبة تطالب بالثأر من أعداء الوطن الوهميين، ويصبح قانونُ الطواريء سيّفا علىَ كل حُلْمٍ مصري يفكر صاحبُه في الاطلالةِ على مستقبل مُشْرق لأم الدنيا
. لا أعرف ماذا يقول لك مستشاروك، ولا أفهم سببًا واحدًا لخطواتـِك التي تجعل الزمنَ بطيئًا وتراه أنت يجري، أو تجعله يقف فتظنه يلهث!
لا أشك لحظةً واحدةً في أنك تحب مصر حُبّاً جَمّاً، ولكن من يعشق فعليه أنْ يُصغي جيّدا لدقاتِ قلبِ مَنْ يهيم به صَبابة وعِشْقًا، فقد تكون ضربات قلبٍ يبادلك الحبَ، وقد تكون دقات قلبٍ مُعْتَلٍّ قبل أنْ يتوقف.

وأخيرا فالأمرُ في النهايةِ بين يديك، والفرصةُ لقيادةِ شعْبٍ لا تتكرر مرتين.

فالمراكبي بعقليته العالميه يحتاج إلي دكتاتوريه لتطهير البيئه المصريه
الرجوع الى أعلى الصفحة اذهب الى الأسفل
 
العمدة المنتظر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى السوق التجاري المفتوح  :: الصالون الأدبي :: قصة قصيرة-
انتقل الى: