أصل زنارة

تصحيحا لما نشره الكاتب
اسم زنارة فى اللغة الهيلوغريفية يغنى الايثانول وهو ما يعرف بالعامية بالسبرتو
والايثانول هو الابن الاصغر للملك منقوع البراطيش وهو سادس ملوك الاسرة التاسعة وقد ولد فى المنوفية فى مدينة شلندح لذلك اطلق اهل زنارة على احد دراويشها المشهورين لقب تسعة
وبقوا يقولوا تسعه راح تسعه جه
(من كتاب اسرار الاسرة التاسعة)

شكراً للاخ طارق على التوضيح ولكن هناك تعقيب بسيط.
الملك سبرتو او إيثانول ولد في العصارة وهو ابن الملك بوظة ونظراً لدوره الكبير في القضاء على هجمات اللصوص وحرامية الحمير على خمردانه والستين اطلق اسمه على المشروب الرسمي للدولة في ذلك الوقت .
بس يا ريت الاستاذ طارق خبير علم الزناريات يوضح لنا ايه هي العلاقة بين الملك تسعة احد الملوك العظام للاسرة التاسعة ومفتاح الجمعية !!!!!!

السلام عليكم مش مهم نعرف اصل كلمه زناره المهم ان نحب البلد الى احنا عيشين فيها لانها صوره مصغره من البلد الكبير مصر ام الدنيا و عجبى

مش مهم ايه اصل الاسم او ايه معناه
المهم انى بحب زناره مهما كان فيها حاجات وحشه
وعادات سيئه
بس بحبها فيها بابا وفيها ماما
فيها اخواتى وفيها اهلى
فيها اصحابى وجيرانى
وكل الناس اللى فتحت عيونى على حبها
ومهما عشت فى انظف الاماكن بيجينى ساعات شوق ليها
بس زياره بس وارجع تانى!

الاخوة الاعزاء
السلام عليكم ورحمة الله وبركاته
ارجو من حضراتكم ان تكون الردود نافعة وبدون سخرية لان زنارة اولا واخيرا بلدنا الذي عشنا عليه وتربينا من خيراته وكان لها الفضل الاول
(( اللي ملوش خير في اهله ....))

الاخوة الاعزاء مشكورين
ببلنسبة الى الاخ طارق فتعليقة خفيف الظل واضحكنى كثيرا وهو مثقف ثقافة بلدى
بمعنى انة ذكر اشياء تخص زنارةحيت انة ادخل فى تعليقة السبرتو وشلندح وقد اضاف الاخ مصطفى..... العصارة....... ومفتاح الجمعية
ولكنى اريد ان اوضح ان سبب تسمية زنارة بهذا الاسم هو انة فى هذة المنطقة بلد تقيم الولائم بصفة مستمرة وكانت الولائم فى هذة الفترة تعرف عن طريق النار التى توقد بها
ولما كانت تشتهر بكثرة النيران التى توقد للولائم لقب زى النار ثم حرفت الى زنارة لسهولة النطق

انا حاسس ان الموضع بدل ما يكون تعريف بالبلد لاى زائر بدا وكأنة استهتار واستهزاء من بعض شباب المنتدى ارجوا الالتزام واحترام كل طرف للطرف الاخر

شكراً للأخوة الاعضاء الذين قاموا بالتعليق على الموضوع ونشكر لهم ايضاً غيرتهم على البلد
ولكن للتوضيح تعليقات الاخوة كانت على سبيل الدعابة ولم يقصد بها الاساءة لزنارة او السخرية من اسمها.

انا بحب البلد دى مع انى اكتر مدة قضيتها فيها حوالى اسبوع ودى كان فى الاجازات الصيفية لانى من مواليد القاهرة وتعلمى وشغلى وكل حياتى فى القاهرة ورغم ذلك حبها ساكن قلبى وكيانى كله وتمنيت لو كنت عشت حياتى كلها فيها ... بحب ارضها وسمائها وسكنها وهوائها ولو بختيارى كنت عشت فيها باقى عمرى ... فهى اصلى واصل عائلتى وكل مرة بكون فى زيارة لاهلى برجع وانا مش عاوز اسيبها بكون عاوز ابوس ارضها وشجرها وكا ما فيها لدرجة انى بنفرد بنفسى والف البلد كلها واتمتع بالنظر لكل شارع وكل حارة وكل شجرة وكل بيت فيها وبحس انى بكلمهم وبردو عالية من شدة حبى لكل حاجة فيها ... مش مهم بقى اسمها اية ولا اصلها اية المهم هى بلدى ورجوعى اليها بعد عمر يعلمه ربى ودى شئ بيسعدنى جدا انى فى الاخر هرجع لها ومش هخرج منها تانى ابدا (بموت فيكى يا بلد ابى وامى واهلى يا اصلى وفصلى)