منتديات زنارة
اهلا وسهلا بيك في منتدى زنارة
نتشرف بيك ويسعدنا انضمامك الى اعضاء المنتدى

احنا بتوع الزيرو

اذهب الى الأسفل

احنا بتوع الزيرو

مُساهمة من طرف حازم شلبى في السبت 6 نوفمبر 2010 - 5:25

" لاتخف من صوت الرصاص فالرصاصه التى ستقتلك لن تسمع صوتها "

كوكاكولا زيرو؟
يعني أية كوكاكولا زيرو !!!!
واشمعنا الكوكاكولا بس هى اللى زيرو ما احنا لو فكرنا شوية حنلاقى ان حياتنا كلها اصبحت زيرو
يعنى ايه !!!!
يعنى يقولك ان من اهم انجازات عصر ما بعد الثورة هى مجانية التعليم ...
و اى اسرة فى مصر بتبيع اللى وراها و اللى قدامها علشان الدروس الخصوصية !!
يعنى يبقى عندك ثلث أثار العالم فى مدينة واحدة بالأقصر ...
وتلاقى دولة زى تونس عدد السائحين فيها اكتر من عندك !!
يعني تترشح في الانتخابات عن فئة (العمال) ...
تنجح فتعيش عيشة (الملوك) !!
إنك تمنع التدخين جوه القطار علشان تحافظ علي أرواح الناس يعنى خايف عليهم يتحرقوا...
ويروح القطار بكل اللي فيه مولع والناس مش تتحرق لأ تتفحم !!
يعنى ابويا الله يرحمه يسافر و يتغرب و يوفر شقة لولاده من فلوسه محدش دفعله فيها حاجة ...
و يجى بطرس غالى يفرض عليها ضريبة عقارية !!
يعنى الحكومة تعمل سور لقتل اطفال غزه ... ويطلع واحد يقولك البرادعى عميل لاسرائيل !!
يعنى وزير مالية عمل قانون الضرائب العقارية ...
وقال هيدفع عن القصور بتاعته ويطلع بيتعالج على نفقة الدولة !!
يعنى وزير صحة شريك فى كبرى مستشفيات البلد (دار الفؤاد) ...
و مراته تتعالج على نفقة الدولة في أمريكا !!
يعنى ناس غلابة و مش لاقين الزلط حتى ...
وعضو مجاس الشعب يطلب منهم ثلث قيمة قرار العلاج على نفقة الدولة رشوة علشان يتعلجوا على نفقة الدولة !!
يعني ندي الغاز لإسرائيل مدعم لعشرين سنه جايه ...
و المصريين مش لاقيين أنبوبه بوتاجاز !!
يعني وزير الإسكان يبقي سمسار اراضي ! !
ووزير التعليم يبقي بلطجي قديم ! !
ووزير الصحه بيتعالج علي نفقة الدوله ! !
يعني تبقي عندك بحرين و نيل قناة السويس و11 بحيره
وبتستورد السمك من بره !!
كل يوم يعملوا قانون مرور جديد .....
وضحايا حوادث الطرق سنويا اعلى من نسبة اللى ماتوا فى حرب اكتوبر !!
يعنى كولا زيرو
وغاز زيرو
ومرتبات زيرو
وضمير زيرو
وتنمية زيرو
وانتخابات زيرو
و صحة زيرو
وتعليم زيرو
و دقيق زيرو
واخلاق زيرو
وثقافة زيرو
وبيئة زيرو
حتى الزيرو فى المونديال مخدناش ولا صوت لا و ايه عايزين يدخلوا بينا عصر الطاقة النووية
مع اننا معرفناش نتعامل مع صخرة وقعت فوق دماغ الغلابة فى الدويقة و هما نايمين و استعنا بأوناش شركة المقاولين العرب عشان ترفع الصخور وفضلت الجثث تحت الصخور لما عفنت ..... حكومة حكومة يعنى مش هزار .
ومع اننا معرفناش مش ننقذ المصريين اللى غرقوا فى العبارة لأ ده احنا حتى معرفناش نجيب الجثث ندفنها زى بقيت خلق الله المحترمين و سبناها للقروش فى البحر تنهش فيها .
واللى مجننى انهم بيقولوا عندنا حاجة اسمها مركز ادارة الازمات تابع لمجلس الوزراء
اموت و اشوف أزمة واحدة عرفنا نديرها !!!!!!!!!!!!!!!!!!!!!
يعني مصر تفضل محتله 70 سنه ومداينه انجلترا
و في 30 سنه من حريتها تبقي مديونه لكلاب السكك
و ده يا اخوان هو الاستهبال الزيرو
يعني بيقي عندك التربه و الجو الصالح لجميع المحاصيل
و تدخل الاراضي الزراعيه كردون مباني
علشان شوية حرامية سكرانين طول الليل
يصحوا من النوم يبصوا علي النيل
يعني تروح الصحراء علشان تستصلح الاراضي
و تسيب الارض اللي جنب الميه
يعني و يعنى و يعنى

حاجات كتير و زيروهات كتير و كتير و كتير

لما بقينا ..............

إحنا بتوع الزيرو
avatar
حازم شلبى
عضو فضي
عضو فضي

عدد المساهمات : 37
السٌّمعَة : 3
تاريخ التسجيل : 08/07/2009
العمر : 51

معاينة صفحة البيانات الشخصي للعضو http://haneeni.blogspot.com

الرجوع الى أعلى الصفحة اذهب الى الأسفل

رد: احنا بتوع الزيرو

مُساهمة من طرف مهاجر في السبت 6 نوفمبر 2010 - 14:40

كل الكلام اتقال
والشعر بقى ماسخ
والصبر علو جبال
والظلم شئ راسخ
خليها على الله يا عم حازم
الزيرو برضه مش وحش
اهو الشعب يعمل دايت يمكن العدد يقل شوية
avatar
مهاجر
مشرف منتدى القصة القصيرة

عدد المساهمات : 195
السٌّمعَة : 1
تاريخ التسجيل : 06/07/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى